Իրաքի քրդերը չեն հրաժարվում անկախության հանրաքվե անցկացնելու մտադրությունից

Իրաքի քրդերը հայտարարել են, թե չեն հրաժարվում սեպտեմբերի վերջին անկախության հանրաքվե անցկացնելու մտադրությունից՝ չնայած Վաշինգտոնի խնդրանքին: Ավելի վաղ հաղորդվել էր, որ ԱՄՆ պետքարտուղար Ռեքս Թիլերսոնը ինքնավարության առաջնորդ Մասուդ Բարզանիի հետ հեռախոսազրույցում հորդորել էր հետաձգել քվեարկությունը:

Միացյալ Նահանգներն ու արևմտյան երկրները մտավախություն ունեն, որ այս հանրաքվեն կարող է հակամարտության նոր աղբյուր դառնալ տարածաշրջանում. քրդերի հնարավոր անկախացմանը դեմ են Թուրքիան, Իրանն ու Սիրիան, որոնք Իրաքի նման քրդական մեծ բնակչություն ունեն:

«Սեպտեմբերի 25-ին նշանակված հանրաքվեն մնում ուժի է մեջ», - Reuters գործակալության ասել է Քուրդիստանի կառավարության պաշտոնական ներկայացուցիչը: Ինքնավարության առաջնորդն էլ պնդել է՝ պատրաստ են պատասխանատվություն ստանձնել, եթե մեծամասնությունը քվեարկի անկախացման օգտին և բանակցել Բաղդադի ու տարածաշրջանի մյուս տերությունների հետ՝ խաղաղ ճանապարհով այն իրագործելու համար:

Այս թեմայով Իրաքում ցուցարարները հրկիզել են կառավարության շենքը Իրաքում պայթյունների շարք է տեղի ունեցել քվեաթերթիկների պահեստների մոտ Իրաքում իշխող կոալիցիա ձևավորվեց Մուքթադա Աս Սադրի ղեկավարած դաշինքը Իրաքում կայացած ընտրությունների առաջատարն է Իրաքում 19 ռուսաստանցի կին դատապարտվել է ցմահ ազատազրկման