Քնի պակասն ավելի վտանգավոր է, քան ալկոհոլիզմը
Մշտական քնի պակասը (օրական 6 ժամից պակաս) կարող է նույնպիսի ծանր հետեւանքների հանգեցնել, ինչ ալկոհոլիզմը: Քնի պակասը մեծացնում է ճարպակալման, դեպրեսիայի, սրտի եւ ուղեղի կաթվածների վտանգը: Այս թեմայով հետազոտություն են անցկացրել Medisys ընկերության աշխատակիցները:
Դրա համաձայն՝ 18 ժամ արթուն մնալը կոգնիտիվ ֆունկցիաների վրա նույնքան բացասաբար է ազդում, որքան ալկոհոլիզմը: Տուժում է ուշադրության կենտրոնացումը, որոշակի խնդիրներ կատարելու ունակությունը: Այդ պատճառով քրոնիկական անքնության դեպքում ավտոմեքենա վարելը նույնքան վտանգավոր է, որքան ոչ սթափ վիճակում ղեկին նստելը, ասում են գիտնականները:
«Քունը կարեւոր դեր է կատարում հորմոնների կարգավորման գործում, որոնք ազդում են քաղցի վրա (գրելին, կորտիզոլ եւ լեպտին), այդ պատճառով քնի պակասը հանգեցնում է ախորժակի մեծացման եւ քաշի ավելացման»,- հայտարարել է Արեւմտյան համալսարանից նյարդակենսաբան, Medisys-ի աշխատակից Ադրիան Օուենը:
Վերջերս անցկացված եւս մեկ հետազոտություն ցույց է տվել, որ քնի պակասի դեպքում ուղեղը սկսում է ինքն իրեն «ուտել»: Գիտնականները համեմատել են երեք խմբի բաժանված մկների ուղեղը: Առաջին խմբի կրծողները քնել են այնքան, որքան ցանկացել են, երկրորդ խմբինը՝ 8 ամից պակաս, իսկ երրորդ խմբի մկները 5 օր շարունակ արթուն են մնացել, այսինքն՝ քրոնիկ քնի պակաս են ունեցել:
Հետազոտողներն ուսումնասիրել են աստրոցիտներն ու միկրոգլիայի բջիջները: Առաջիններն ուղեղը մաքրում են անպետք սինափսներից, երկրորդները՝ վնասված բջիջներից եւ այլ աղբից:
Արդյունքում մասնագետները պարզել են, որ այն մկների մոտ, որոնք շատ են քնել, աստրոցիտներն ակտիվ են եղել 6%-ով, 8 ժամից պակաս քնողների մոտ՝ 8%-ով, իսկ քրոնիկ քնի պակաս ունեցող կենդանիների մոտ՝ 13.5%-ով: Այսինքն՝ քնի պակասի դեպքում ուղեղի բջիջներն ավելի շատ սինափսներ ու աղբ են քայքայել: Մասնագետները նշել են, որ այդ բջիջների չափազանց ակտիվությունը կարող է բացասական հետեւանքների հանգեցնել, օրինակ՝ նյարդային խանգարումների եւ Ալցհեյմերի հիվանդության:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները