Ինչու են կոնսերվանտներով մթերքները հանգեցնում ճարպակալման
Կոնսերվանտներով մթերքների կանոնավոր օգտագործումը խախտում է օրգանիզմի հորմոնալ ֆոնը, հանգեցնում ճարպակալման, հաղորդում են ամերիկյան ռեգեներատիվ բժշկության Cedars-Sinai ինստիտուտի մասնագետները:
Ըստ Eurekalert-ի՝ մասնագետներն առաջին անգամ գնահատել են, թե քիմիկատներն ինչպես են ազդում մարդկային ցողունային բջիջներից աճեցված հորմոն արտադրող հյուսվածքների վրա: Ավելի վաղ նման փորձեր անցկացվել են լաբորատոր կենդանիների մասնակցությամբ:
Նոր հետազոտությունում գիտնականներն ուսումնասիրել են տարածված սննդային հավելումներն ու քիմիական նյութերը, որոնք կարող են հայտնվել սննդում: Առաջին նյութը բութիլհիդրոքսիտոլուոլ սննդային հավելումն է (Е321), որը պարունակվում է նախաճաշի համար փաթիլներում, ընկուզեղենում, կրեկերներում: Е321-ն օգտագործվում է մթերքներում սննդարար նյութերի պահպանման համար:
Երկրորդ քիմիկատը պերֆտորոկտանաթթուն է (PFOA), որը ձեւավորվում է տեֆլոնե սպասքի տաքացման ժամանակ: PFOA կա նաեւ, օրինակ, պոպկորնի փաթեթների ներքին թաղանթում:
Նյութերի եռյակը եզրափակում է տրիբութիլոլը, որն առկա է նավերի պաշտպանության համար օգտագործվող ներկերում: Այն կարող է թափանցել ջրի մեջ եւ կուտակվել ծովամթերքում:
Դոկտոր Դհրուվ Սարինի խոսքով՝ մասնագետները հայտնաբերել են, որ այս քիմիկատներից յուրաքանչյուր վնասում է հորմոնները, որոնք պատասխանատու են աղիների եւ գլխուղեղի միջեւ կապի համար: Վերջինը ժամանակին ազդանշան չի ստանում մարսողական համակարգից, ինչի արդյունքում ուշանում է սննդից հագենալու զգացողությունը: Արդյունքում մարդը կանոնավորապես չափից շատ է ուտում:
Մասնագետները ենթադրում են, որ մարդու օրգանիզմի վրա սննդային հավելումների եւ քիմիական այլ նյութերի ազդեցության հետազոտության՝ իրենց մշակած մեթոդը կարող է առավել անվտանգ, արդյունավետ եւ տնտեսապես շահավետ լինել:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները