Հրդեհ Թբիլիսիի կենտրոնում
Թբիլիսիում Մտացմինդա լեռան վրա անտառային զանգվածում բռնկված հրդեհը արագ տարածվում է։ Ըստ ականատեսների տվյալների ու լուսանկարների՝ հրդեհը հիմա մոտենում է Մտացմինդայի պուրակի ատրակցիոններին։
Հրդեհը բռնկվել է գերեզմանոցի տարածքում, որտեղ հրդեհվել են չոր ծառերը։ Արդեն մեկ շաբաթից ավելին Թբիլիսիում օդի ջերմաստիճանը գերազանցում է 37 աստիճանը, ընդ որում արդեն մեկ ամիս է անձրեւ չի տեղացել։
Հրդեհը բռնկվել է քաղաքի կենտրոնում՝ բնակելի տներից ոչ հեռու։
Հրդեհի վայրում աշխատում են շտապ օգնության բրիգադներ ու ոստիկանության ներկայացուցիչներ։ Հրդեհի մեկուսացման աշխատանքները դժվարանում են բարդ ռելիեֆի պատճառով՝ հրդեհված անտառային զանգվածը լեռան վրա է ։
Արտակարգ իրավիճակների կառավարման գործակալության մամուլի ծառայությունից հայտնել են, որ հրդեհն արագ տեմպերով տարածվում է։
«Այրվում է անտառային զանգվածը։ Դեռ վաղ է խոսել հրդեհի մակերեսի մասին, քանի որ ընթանում են աշխատանքներ ու մասշտաբների մասին դատելը բարդ է։ Մոբիլիզացված են յոթ ցիստերններ, մինչեւ 40 հրշեջ փրկարարներ, որպեսզի տեղայնացնեն հրդեհը»,- հայտնել են գործակալությունից։
Հրդեհի մարմանը ավիացիան դեռ չի ներգրավվել։
Հրդեհի հիմնական օջախները Մտացմինդայում մեկուսացված են։ Այս մասին հայտնել է Թբիլիսիի քաղաքապետ Դավիթ Նարմանիան։
«Ներքեւի մասում, որտեղ բնակչությունը մտավախություններ ուներ, հրշեջ բրիգադներ են գտնվում ու իրականացվում են կանխարգելիչ միջոցառումներ։ Բարդ ռելիեֆ է։ Մութ է։ Բնականաբար տեսանելիությունն ավելի վատ է, սակայն հրշեջ բրիգադները ինտենսիվ ռեժիմով են աշխատում»,- հայտնել է Նարմանիան։
Քաղաքապետի խոսքով՝ հրդեհի պատճառների մասին խոսելու համար դեռ վաղ է, դրանք կպարզի քննությունը։
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
Տեղի է ունեցել ՀՀ վարչապետի և ԱՄՆ փոխնախագահի ընդլայնված կազմով հանդիպումը (տեսանյութ)
Թուրքիայում արագացրել են Հայաստանի հետ սահմանային անցակետի բացման աշխատանքները
Մեր հայրենակիցների սոցիալական աջակցության ծրագրերը շարունակվում և ընդլայնվում են
Լիբանանի Տրիպոլի քաղաքում շենքերի փլուզման հետևանքով զոհերի թիվը հասել է 14-ի