«Արսենալը» եւ «Բավարիան» սուպերգավաթակիրներ

Անգլիայի սուպերգավաթն այսօր նվաճեց Արսեն Վենգերի գլխավորած «Արսենալը», իսկ շաբաթ օրը Գերմանիայի սուպերգավաթը նվաճեց «Բավարիան»:

Լոնդոնի «Արսենալի» եւ «Չելսիի» հանդիպման հիմնական ժամանակն ավարտվեց 1:1 հաշվով: 46-րդ րոպեին «Չելսիից» գոլի հեղինակ դարձավ Մոզեսը, իսկ 82-րդ րոպեին Կոլաշինաչը հավասարեցրեց հաշիվը:

Հետխաղյա 11 մետրոնոցներով «Արսենալը» հաղթեց 4:1 հաշվով:

Ոչ-ոքի ավարտվեց նաեւ «Բավարիայի» եւ Դորտմունդի «Բորուսիայի» հանդիպման հիմնական ժամանակը, բայց ոչ թե 1:1, այլ 2:2 հաշվով:

11 մետրոնոցներն էլ ավելի դիպուկ իրացրին մյունխենցիները:

Top-News.am