Ընդամենը երկու թեյի գդալ աղը բարձրացնում է ճնշումն ու քայքայում սիրտը
Օրական ընդամենը երկու թեյի գդալ աղը բարձրացնում է զարկերակային ճնշումն ու լրջորեն վնասում սրտի առողջությանը՝ մեծացնելով մի շարք սիրտ-անոթային հիվանդությունների եւ կաթվածի վտանգը: Այս մասին զգուշացնում են Harvard University-ի գիտնականները:
Գիտնականները միջինը 49 տարեկան 2996 մարդկանց մասնակցությամբ անցկացված հետազոտության ընթացքում վերլուծել են աղի ընդունման եւ սրտի աշխատանքի միջեւ կապը: Նրանց սննդակարգում աղի մակարդակը գնահատվել է մեզի անալիզի օգնությամբ: Ուլտրաձայնային հետազոտությունն օգնել է որոշել կամավորների սրտի կառուցվածքը:
Մասնագետները պարզել են, որ այն մարդկանց մոտ, որոնք օրական ընդամենը 3.73 գրամ աղ են օգտագործել, արդեն կարելի է սրտի խոռոչների մեծացում նկատել: Նախորդ հետազոտությունների արդյունքում ենթադրում էին, որ սիրտը կարող է մեծանալ, եթե այն աշխատում է ավելորդ ծանրաբեռնվածությամբ՝ տարբեր խանգարումների պատճառով, օրինակ՝ զարկերակային ճնշման: Աղը նաեւ մեծացնում է սրտամկանի ծանրաբեռնվածությունը, արագացնում սրտի բաբախյունը:
Փորձագետները խորհուրդ են տալիս օրական մեկ քառորդ թեյի գդալից ավելի աղ չօգտագործել: Սակայն մարդկանց մեծ մասը շատ ավելին է օգտագործում՝ նույնիսկ չիմանալով այդ մասին: Բանն այն է, որ պատրաստի ուտեստները մեծ քանակությամբ աղ են պարունակում:
Ավելի վաղ գիտնականները նաեւ ապացուցել էին, որ սննդակարգում աղի ավելցուկը նպաստում է օրգանիզմում ջրի կուտակմանը, ինչը նույնպես բարձրացնում է զարկերակային ճնշումը: Բարձր ճնշումը վտանգավոր է սրտի, զարկերակների, երիկամների եւ ուղեղի համար:
Հետազոտության արդյունքները հրապարակվել են Journal of the American College of Cardiology գիտական ամսագրում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները