«Մտածող մարդը խանգարում է, որովհետեւ վերլուծում է, հեշտ չի ճկվում, չի կուրանում...»․ Նազենի Հովհաննիսյան
Հաղորդավարուհի, դերասանուհի Նազենի Հովհաննիսյանն իր Instagram-ում նոր լուսանկար է հրապարակել, որին կից խոսել է Գարեգին Նժդեհի գրվածքներին։ Նա գրել է․
«Տարօրինակ ժամանակներ են. մտածող մարդը խանգարում է, որովհետև վերլուծում է, հեշտ չի ճկվում, չի կուրանում...
Մտածում է:
Աշխարհակալներին մտածողներ պետք չեն. խանգարում են:
Բիոմասսան հեշտ է և կառավարելի. չունի արմատ, հողի ու հայրենիքի կոդը չի զգում արյան մեջ, չունի անցյալ ու հիշողություն, ունի միայն բնազդային պահանջներ և դասական սպառող է: Չի ստեղծում: Սպառում է: Օգտակար ծառերի կողքին է հայտնվում ու մոլախոտի պես խեղդում:
Իսկ իսկական Մարդը՝ մտածողը, Հայրենիքի արմատի ուժով է «սնվում», ու չի փոխում իր տեղը, ինչ է թե փոթորիկ է կամ այրող արև, ընդհակառակն, այդ ծառն ավելի խորն է արմատը ձգում, գնում է իր Երկրի ընդերքը զգալու եւ ուժեղանալու:
15 տարեկան էի, երբ առաջին անգամ Գ. Նժդեհի գրվածքներն ու ինքնակենսագրականն ընկան ձեռքս, ուժի և հայրենասիրության խտանյութ էր, ու էսօրվա մաաին էր խոսում հետներս, բայց էլի չհասկացանք:
Գ. Նժդեհն ասում էր. «Աշխարհակալություն, ահա Հայրենիքների թշնամին, հարազատ, թե օտար»:
Եվ ավելացնում էր․
«Ուժեղ կարող է լինել հզորահզոր ոգու տերը միայն, հոգով տկարների համար մարսելի սնունդ չէ ազատությունը: Քրիստոս սիրում էր, որովհետև ուժեղ էր, նա սիրում էր, որովհետև սիրելու և ներելու չափ հզոր էր»:
«Ախոռը, ուր անասունները ուտում են ու պառկում՝ հայրենիք չէ»:
«Իր ուժերից զատ ամեն ինչի ապավինող ժողովուրդն արժանի չէ անկախ հայրենիք ունենալու, ազատ ապրելու»:
«Եղի´ր բացարձակ, և ո´չ մի զիջում: Հանցանք է զիջելը: Զիջել` նշանակում է թույլ լինել, ամոթալի պարտություն կրել:
Ժողովրդից է ամեն հաղթանակ, անկարող ղեկավարից՝ ամեն պարտություն:
«Հայրենիք մի սպասեք օտարից և ճակատագրից, եթե դա ձեր արյունով պաշտպանելու չափ հայրենասեր չեք»:
և վերջում...
«Մեր ապագան վտանգված է» վերտառությունը կրող բաժնում գրել է. «Պիտ ապրի՛ եւ հայ ժողովուրդը: Պիտ ապրի՛, որովհետեւ այդպէ՛ս է ուզում ինքը: Բայց ի՞նչպէս, ինչի՞ շնորհիվ, ի՞նչ տվյալներով, գրավակա՞նը: Չգիտեմ, մեր ժողովուրդը գիտակցո՞ւմ է, թէ երբեք իր գլխովին կորչելու վտանգն այնքան մեծ չի եղել, ինչպէս այսօր… Արեւմտեան Հայաստանի նահանգներն այժմ անհայաբնակ են, ինչպէս մեծ գերեզմաններ: Արարատեան դաշտի մի մասն է այժմ հայի հայրենիքը, ընկած մահմեդական երկրների ճանապարհի վրայ - մի կամուրջ՝ Արեւմուտքի եւ Արեւելքի մահմեդականութեան համար: Այժմ նրա աշխարհագրական դիրքը աւելի մտահոգիչ է, քան իր քաղաքական ճակատագիրը»:...
Հ.Գ... Ոչի՞նչ չի հիշեցնում....»։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Գալյանը դեմ չէ, որ կառավարության նիստը սկսվի աղոթքով
Գեղարքունիքի մարզի գյուղերից մեկում 2 անչափահաս ծեծի են ենթարկել 38-ամյա տղամարդուն և նրա տղային
Փաշինյանը նոր խորհրդական ունի
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Ռուսաստանը ցուցադրում է Կենտրոնական ռազմական շրջանի պատմության մեջ առաջխաղացման ամենաբարձր տեմպը
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Տղամարդկանց շրջանում ամենատարածված պլաստիկ միջամտությունը կրծքի վիրահատությունն է
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ