TRT 1-ի հրապարակած «մեծ Թուրքիայի» քարտեզին արձագանքել են բոլորը, բացի իմքայլականներից

Օրերս թուրքական TRT 1 հեռուստաալիքի եթերում հրապարակվեց մի քարտեզ, ըստ որի 2050-ին Թուրքիան իր մեջ ներառելու է Հայաստանը, Հարավային Կովկասն ամբողջությամբ, Հունաստանը, Կիպրոսը, Սաուդյան Արաբիան, Արաբական Էմիրաթները, Քուվեյթը, Բահրեյնը, Քաթարը, Օմանը, Եմենը, Ռուսաստանի մաս կազմող Ղրիմը, Ստավրապոլի ու Կրասնոդարի երկրամասերը, Ղազախստանի մի մասը, Թուրքմենստանը եւ Ուզբեկստանը:

Թուրքիայի պետական հեռուստաալիքի հրապարակած սադրիչ քարտեզին անդրադարձել են գրեթե բոլորը: Անդրադարձել են՝ թուրքերին ցույց տալով իրենց տեղը: Այդպես է Սաուդյան Արաբիայում, Հունաստանում, անգամ Ղազախստանում, Ռուսաստանում եւ Վրաստանում:

Հայաստանում եւս անդրադարձան այդ քարտեզին, բայց ոչ իմքայլականները: Նրանք եւ Հայաստանի կառավարությունը չեձն նկատել այդ քարտեզը կամ նկատել են եւ ոգեւորվել: Մի տարօրինակ զուգադիպությամբ, այդ քարտեզին չեն անդրադարձել միայն Հայաստանի եւ Ադրբեջանի իշխանությունները: Տեսնես ինչո՞ւ է այդպես:

Վարդան Մխիթարյան

Top-News.am