Շաքարը բացասաբար է ազդում հոգեկան առողջության վրա. հետազոտություն
Մեծ քանակությամբ շաքարի օգտագործումը կարող է բացասաբար ազդել մարդու հոգեկան առողջության վրա, պարզել են բրիտանացի գիտնականները։ Ընդ որում՝ նրանց եզրակացությունները միանգամից քննադատության են արժանացել։
Լոնդոնի համալսարանական քոլեջից մի խումբ հետազոտողներ շաքարի օգտագործման մասին հարցում են անցկացրել ավելի քան 8 հազար մարդու շրջանում։ Հարցումն անցկացվել է 1985-1988 թվականներին, իսկ հետագա տարիներին հարցման մասնակիցները ժամանակ առ ժամանակ հարցաթերթիկներ են լրացրել։
«Սննդի ու քաղցր ըմպելիքների մեջ մեծ քանակությամբ շաքարի գործածումը կապակցված է 5 տարվա ընթացքում տղամարդկանց մոտ հոգեկանի ամենատարածված խանգարումներից մեկի (CMD) զարգացման հետ»,- ասվում է հետազոտության մեջ, որը հրապարակվել է Nature կայքում։ CMD-ն դեպրեսիայի ու տագնապի վիճակն է։
«Մեր հետազոտությունը հաստատում է շաքարի բացասական ազդեցությունը հոգեկան առողջության վրա երկարաժամկետ հեռանկարում ու ենթադրում, որ քիչ քանակությամբ շաքարի օգտագործումը կարող է բարելավել հոգեկան առղջությունը»,- ասվում է հետազոտության մեջ։
Դիետոլոգիայի ասոցիացիայի ներկայացուցիչ Քեթրին Քոլինզը հայտնել է, որ գիտնականների առաջ քաշած տեսակետն «ապացուցված չեն», քանի որ շաքարի օգտագործման մասին տվյալների հիմքում հարցման մասնակիցների պատասխաններն են, ընդ որում՝ հաշվի չի առնվել ոգելից խմիչքներում շաքարի պարունակությունը։
«Եթե ավելի քիչ ազատ շաքար գործածեք, ապա դա օգտակար է ատամների համար, գուցե նաեւ քաշի։ Բայց մի՞թե դա պաշտպանում է դեպրեսիայից։ Դա ապացուցված չէ»,- մեջբերում է Քոլինզին AFP-ն։
Փորձագետ Թոմ Սանդերսը նույնպես կոչ է արել «զգուշավորությամբ» վերաբերվել հետազոտության արդյունքներին։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները