Քոչարյան. Այն, որ Ղարաբաղի կարգավիճակի հարցը մոռացվել է, Հայաստանի դիվանագիտության ամենամեծ սխալներից մեկն է
Կարգավիճակը (Ղարաբաղի - խմբ.) պարզապես մոռացվել է: Հիմա դա չի քննարկվում: Եւ գուցե հենց հիմա դրա քննարկումը այնքան էլ ռացիոնալ չէ, քանի որ առաջին պլան է մղվել դրանում ապրող մարդկանց անվտանգությունը: Իսկ այն, որ կարգավիճակի հարցը մոռացվել է, հայկական դիվանագիտության ամենամեծ սխալներից մեկն է: Այս մասին «Սպուտնիկ Արմենիա»-ին տված հարցազրույցում ասել է ՀՀ երկրորդ նախագահ Ռոբերտ Քոչարյանը:
«Կարգավիճակը պարզապես մոռացվել է: Հիմա դա չի քննարկվում: Եւ գուցե հենց հիմա դրա քննարկումը այնքան էլ ռացիոնալ չէ, քանի որ առաջին պլան է մղվել դրանում ապրող մարդկանց անվտանգությունը: Իսկ այն, որ կարգավիճակի հարցը մոռացվել է, հայկական դիվանագիտության ամենամեծ սխալներից մեկն է, քանի որ հենց կարգավիճակն էր, որը հիմնված էր հանրաքվեի վրա, ասվում էր, որ այդ հարցը եւ խնդրի լուծումը ընկած են ազգի ինքնորոշման հարթության մեջ: Մոռացության մատնեցին այդ գործոնը, հայտարարեցին, որ Ղարաբաղը Հայաստան է, եւ բոլորը բանակցությունները տարան փակուղի, փաստորեն տեղափոխեցին այն Ադրբեջանին ուղղված Հայաստանի տարածքային պահանջների հարթություն եւ դրանով օրինականացրեցին Ադրբեջանի ագրեսիան: Ի վերջո, ոչ մի երկիր չդատապարտեց, ըստ էության, ոչ մի երկիր չդատապարտեց այն կողմին, որը սկսել է ռազմական գործողությունները»,- ասել է Ռոբերտ Քոչարյանը:
«Հիմա ես կարծում եմ, որ կարգավիճակի բանակցություններ մենք կմտնենք շատ թույլ դիրքերից: Այժմ ես չեմ տեսնում մեր դիրքորոշման հստակ բացատրությունը Հայաստանի արտգործնախարարությունից կամ առհասարակ Հայաստանի իշխանություններից, բացառությամբ այն հայտարարության, որ կարգավիճակը չի լուծվել: Ադրբեջանն ասում է, որ իրենք դե ֆակտո լուծել են այն, եւ որ այն կքննարկվի ապագայում: Ինչպե՞ս, ի՞նչ, որո՞նք են այս քննարկման ձեւերը, ո՞րն է ժամանակացույցը: Բացարձակապես ոչինչ պարզ չէ: Սա իրավիճակ է, որում, որպես կանոն, հայտնվում է պատերազմում պարտված կողմը, եւ մենք քաղում ենք այս պատերազմի արդյունքները: Մենք ի վիճակի չենք ապահովել մեր սեփական սահմանների անվտանգությունը, եւ չկա զինված ուժերի վերականգնումով զբաղվելու քաղաքական կամք»,- հավելել է նա:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է