Տղամարդկանց մոտ սերմնահեղուկի կրճատումը սպառնում է մարդկության գոյությանը
Զարգացած երկրներում տղամարդկանց մոտ սերմնահեղուկի քանակությունը վերջին 40 տարվա ընթացքում կրկնակի կրճատվել է։ Եթե դրա դեմ ոչինչ չձեռնարկվի, մարդկությունը կվերանա, նախազգուշացրել են գիտնականները։
«Ապագան ինձ անհանգստացնում է»,- ասել է հետազոտության հեղինակներից Հագայ Լեվինը,- Հեռանկարում դա կարող է ընդհանուր վերարտադրողականության հետ կապված խնդիրներ առաջացնել ու հանգեցնել մարդկության կործանմանը»։
Երուսաղեմի Հրեական համալսարանից Լեւինն ու նրա գործընկերներն իրենց Human Reproduction Update հրապարակման համար հիմք են ընդունել Եվրոպայում, Ավստրալիայում, Նոր Զելանդիայում ու Հյուսիսային Ամերիկայում անցկացված 200 հետազոտությունները։
Ասիայում, Աֆրիկայում ու Հարավային Ամերիկայում նման անկում չի նկատվում, գրում են գիտնականները, բայց հավելում, որ այնտեղ իրենք ստիպված են եղել բավարարվել շատ ավելի աղքատիկ տվյալներով։
Լեւինը մտավախություն ունի, որ այդ մայրցամաքներում տղամարդիկ նույն ճակատագրին կարժանանան։ «Պետք է որեւէ բան անել։ Օրինակ ավելի լավ կարգավորել քիմիկատների կիրառումը։ Ու մենք պարզապես պարտավոր ենք շարունակել պայքարը ավելորդ քաշի ու ծխելու դեմ»,- կոչ է անում գիտնականը։
Գիտնականները, որոնք այս հետազոտության հետ առնչություն չեն ունեցել, ընդհանոր առմամբ բարձր են գնահատում իրենց գործընկերների աշխատանքը, բայց ոմանք այդ եզրակացությունները հապշտապ են համարել։
«Նման հրապարակումներից ոչ մեկին առայսօր ես առանձնապես չեմ վստահել,- ասել է պրոֆեսոր Ալլան Փեյսին Շեֆլինդի համալսարանից:- Սակայն բժիշկ Լեւինն ու նրա գործընկերները հաշվի են առել նախորդ հետազոտությունների թերությունների մեծ մասը»։
Նրա կարծիքով Լեւինի՝ աշխատանքը իրենից ներկայացնում է կարեւոր առաջընթաց, բայց դա ընդամենը հիմք պետք է ծառայի խնդրի հետագա ուսումնասիրության համար։
Առայսօր հասկանալի չէ, թե ինչու է սերմնահեղուկի որակը վատանում։ Հավանական պատճառներ են համարվում քիմիկատները, որոնք կան պարարտանյութերի ու պլաստիկի մեջ, ճարպակալումը, ծխելը, սթրեսը ու անշարժ կենսակերպը։
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
Գարեգին Երկրորդի եղբոր կալանքը 2 ամսով երկարաձգվեց
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Մի շարք հասցեներում լույս չի լինի
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Իրանում վերականգնվել է ինտերնետային կապը