ԵՄ-ն պատրաստ է ձեռնարկել միջոցառումներ, եթե ՌԴ-ի դեմ ԱՄՆ պատժամիջոցները սպառնան Եվրոպային

ԵՀ-ն պատրաստ է ընդունել շտապ միջոցառումներ, եթե Ռուսաստանի դեմ ԱՄՆ պատժամիջոցները վտանգեն ԵՄ-ի էներգետիկ անվտանգությունը, ասվում է ԵՀ նախագահ Ժան Կլոդ Յունկերի հայտարարության մեջ, որը հրապարակվել է եվրահանձնակատարների հետ նրա հանդիպումից հետո, հայտնում է BBC-ը։

ԱՄՆ շահերը չպետք է առաջնայնություն ունենան Եվրոպայի էներգետիկ անվտանգության հանդեպ, հայտնել է Յունկերը։ «ԱՄՆ-ում հավանության արժանացած օրինագիծը կարող է ունենալ չկանխատեսված միակողմանի հետեւանքներ, որոնք կանդրադառնան էներգետիկ անվտանգության ոլորտում ԵՄ շահերի վրա»,- ասվում է Եհ ղեկավարի հայտարարության մեջ։

Եվ այսպես ԵՄ-ում վախենում են, որ նոր ամերիկյան պատժամիջոցները կարող են խոչընդոտել խողովակաշարերի համակարգի զարգացմանը, որը օգտագործվում է ռուսական գազը Ուկրաինայի տարածքով Եվրոպա փոխադրելու համար։ «Դրա համար էլ այսօր հանձնաժողովը ընդւոնել է որոշում, որ եթե մեր շահերը բավարար չափով հաշվի չառնվեն, մենք պատրաստ կլինենք համապատասխան քայլեր ձեռնարկել մի քանի օրվա ընթացքում»,- ասվում է հայտարարության մեջ։ Թե ինչ միջոցառումների մասին է խոսքը, տեքստում նշված չէ։

Ընդ որում ԵՀ-ում նշել են, որ ընդհանուր առմամբ ԵՄ-ն նախկինի պետք հանձնառու է պատժամիջոցային ռեժիմին, որպեսզի հասնի Մինսկյան համաձայնագրերի կատարմանը։ «Դա է առանցքային նպատակը, որն ընդհանուր է թե ԵՄ-ի, թե ԱՄՆ-ի համար»,- ասվում է հայտարարության մեջ։

 NEWS.am