Պատերազմն՝ ընդդեմ բանակի․ Նիկոլը քանդեց պետականության հիմքերը. Անդրանիկ Թեւանյան
«Պոլիտէկոնոմիա» հետազոտական ինստիտուտի ղեկավար Անդրանիկ Թևանյանը ֆեյսբուքյան «Պատերազմն՝ ընդդեմ բանակի․ Նիկոլը քանդեց պետականության հիմքերը» վերտառությամբ գրառում է արել, որում ասվում է․
«Բանակները, վերջին հաշվով, խաղաղության, այլ ոչ թե պատերազմի համար են։ Եթե բանակը պատերազմի մեջ է մտնում, նշանակում է իշխանությունը ձախողվել է պետականաշինության ու դիվանագիտության ոլորտում։
Նիկոլ Փաշինյանը դավաճանաբար կամ հիմարաբար մեր բանակին մտցրեց պատերազմի մեջ ու տարավ կապիտուլյացիայի։ Մինչև այդ տեղի էր ունեցել բանակի հետևողական վարկաբեկում, Արցախյան ազատամարտի արժեզրկում։
Նիկոլենք մեր բանակի դեմ թշնամական դիվերսիաներից առաջ տեղեկատվական դիվերսիա էին իրականացրել։ Դրա համար էլ պարտվեցինք։
Այսօր մեր բանակի օրն է, բայց տոն չկա։ Բանակին տարել են պարտության՝ քանդելով մեր պետականության հիմքերը։
Հայաստանի բոլոր պետական ինստիտուտները հետանկախական շրջանում ունեցել են լեգիտիմության կամ կայացվածության խնդիրներ, սակայն կասկածից դուրս է եղել բանակը։ Արկերի ու փամփուշտների տակ կերտված բանակը։ Հաղթանակած բանակը։
Բանակը մեր պետության լեգիտիմության աղբյուրն էր։ Նիկոլ Փաշինյանն իր թիմով ամեն ինչ արեց, որպեսզի Հայաստանի Հանրապետության լեգիտիմությունը կասկածի տակ դրվի ու Հայոց բանակը զրկվի մեր երկրի անվտանգության ապահովման թիվ մեկ երաշխավորը լինելու կարգավիճակից։
Այսօր մենք բանակի օր ենք նշում՝ արձանագրելով, որ մեր զինված ուժերն այլևս ՀՀ ու Արցախի անվտանգության երաշխավորը չեն։ Բանակն արդեն ինքն ունի պաշտպանության կարիք։ Այսօր ոչ թե տոնում, այլ սգում ենք բանակի օրը։
Մենք բանակի օրը կվերականգնենք ու հունվարի 28–ը տոն կդարձնենք միայն նոր որակի իշխանություն և պետություն կերտելուց հետո»։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է