ԵՄ-ն քննադատել է Ռուսաստանի եւ Իրանի դեմ պատժամիջոցներն ընդլայնելու ԱՄՆ մտադրությունը
Եվրամիությունն ԱՄՆ-ին զգուշացրել է Ռուսաստանի եւ Իրանի նկատմամբ սահմանված պատժամիջոցների միակողմանի խստացման հարցով՝ Վաշինգտոնի գործողություններն անվանելով «ներքաղաքական պատկերացումներով թելադրված»: Այս մասին հայտնում է Reuters-ը՝ վկայակոչելով Եվրահանձնաժողովի ներկայացուցչի հայտարարությունը, որը կատարվել է ԱՄՆ Կոնգրեսում Ռուսաստանի եւ Իրանի դեմ նոր պատժամիջոցների նախագծի քվեարկության նկատմամբ ընթացակարգային տարաձայնությունների կապակցությամբ:
ԵՀ ներկայացուցիչը նշել է, որ հանձնաժողովը մտահոգված է, որ ԱՄՆ Կոնգրեսում քննարկվող միջոցառումները կարող են անկանխատեսելի հետեւանքներ ունենալ, այդ թվում՝ նաեւ եվրոպական տնտեսական եւ էներգետիկ շահերի համար:
Lenta-ն նշում է, որ ԵՄ-ն Վաշինգտոնին կոչ է արել իր գործողությունները շարունակել համակարգել «Յոթի խմբի» գործընկերների հետ եւ նախազգուշացնել անկանխատեսելի հետեւանքների մասին: Բրյուսելում ընդգծում են այն բանի կարեւորությունը, որպեսզի «բոլոր հնարավոր նոր միջոցները համակարգվեն միջազգային գործընկերների միջեւ՝ պատժամիջոցների նկատմամբ համախմբվածությունը պահպանելու համար, որը դրված է Մինսկյան համաձայնագրերի լիակատար իրականացման ջանքերի հիմքում»:
Ավելի վաղ Գերմանիան եւ Ավստրիան արդեն հանդես են եկել «Հյուսիսային հոսք-2» գազատարի կառուցման նախագծին մասնակցող եվրոպական ընկերությունների դեմ պատժամիջոցներ սահմանելու ԱՄՆ ծրագրերի խիստ քննադատությամբ եւ պատասխան միջոցառումներով են սպառնացել:
Հուլիսի 22-ին Միացյալ Նահանգների բարձրագույն օրենսդիր մարմնի կայքում հրապարակվել է օրինագծի տեքստը: Միջոցառումները պետք է վերաբերեն ռուսական տնտեսության նավթագազային եւ բանկային հատվածներին: Փաստաթղթով, մասնավորապես, նախատեսված է հակազդեցություն «Հյուսիսային հոսք-2» նախագծին:
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Տեղի է ունեցել ՀՀ վարչապետի և ԱՄՆ փոխնախագահի ընդլայնված կազմով հանդիպումը (տեսանյութ)
Թուրքիայում արագացրել են Հայաստանի հետ սահմանային անցակետի բացման աշխատանքները
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մեր հայրենակիցների սոցիալական աջակցության ծրագրերը շարունակվում և ընդլայնվում են