«Սխալվել եմ՝ համոզված լինելով, որ Սիսակը, ախ Լենան եւ մնացածը իրականում, հոգու խորքում գիտակցում են՝ ինչ է կատարվել, կատարվում ու կատարվելու». Մհեր Մկրտչյան

Ռեժիսոր Մհեր Մկրտչյանը նոր գրառում է կատարել, որով անդարդարձել է Հայաստանում ստեղծված իրավիճակին։

«Ես սխալվել եմ՝ համոզված լինելով, որ Սիսակը, ախ Լենան եւ մնացածը իրականում, հոգու խորքում, տանը ամենահարազատների հետ գիտակցում են՝ ինչ է կատարվել, կատարվում ու կատարվելու:

Սխալվել եմ` չեն գիտակցում:

Շատերի համար Նիկոլի եւ Պետրոսի զրույցը վերլուծելու կամ ծաղրելու նյութ է: Իմքայլականների համար` իրականություն: Սուրոգատ իրականություն` ոչ լիարժեք իրականության փոխարինիչ:

Ասում են, որ իշխանությունը կտրում է մարդկանց այդ իրականությունից 10, 15, 20 տարի հետո: Սիսակին, ախ Լենային եւ մնացածին հաջողվեց հասնել նույն արդյունքին ընդամենը մեկ տարում:

Բայց մի օր ձեզ կասեն` բարի վերադարձ իրական աշխարհ»,- ֆեյսբուքյան էջում գրել է նա։