«Նա, ով փոքր ժամանակ հեծանիվ չի ունեցել, ինչքան էլ դառնա միլիոնատեր, այդ հեծանիվը չի ունենալու»․ Նաիրա Զոհրաբյան

Ինչպես արդեն հայտնել ենք, Ազգային ժողովի «Իմ քայլը» խմբակցությունն առաջարկում է դադարեցնել Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանի լիազորությունները: ԲՀԿ-ական պատգամավորն այսօրվա ասուլիսի ժամանակ ասաց, որ Փաշինյանը հաշվերհարդար է տեսնում քաղաքական ընդդիմախոսներից։

«․․․Շատ կարևոր է հասկանալ այդ մարդու հոգեբանությունը։ Նա, ով փոքր ժամանակ չի ունեցել հեծանիվ, հետո ինչքան էլ դառնա միլիոնատեր, ինչպիսի իշխանություն էլ ունենա, միևնույն է, նա այդ հեծանիվն իր ամբողջ կյանքում չի ունենալու։ Փաշինյանը կարծում է, որ զրկելով ինձ ԱԺ մարդու իրավունքներրիի պաշտպանության և հանրային հարցերի մշտական հանձնաժողովի նախագահի՝ իր կարծիքով այդքան մեծ լիազորություններից, ինձ կամ իմ քաղաքական թիմին վատություն է անելու»,- նշեց Զոհրաբյանը։