Սպիտակ տունը մտահոգված է Նավալնու թունավորման վերաբերյալ Գերմանիայի եզրակացությունների կապակցությամբ
Սպիտակ տունը խորը մտահոգություն է հայտնել Գերմանիայի կառավարության կողմից Ռուսաստանի ընդդիմության առաջնորդ Ալեքսեյ Նավալնու թունավորման մասին հայտնած տվյալների կապակցությամբ, հաղորդում է «Ամերիկայի ձայնը»:
«Ռուսաստանը նախկինում արդեն օգտագործել է նյարդապարալիտիկ թունավոր նյութեր, եւ մենք աշխատում ենք մեր դաշնակիցների եւ միջազգային հանրության հետ` Ռուսաստանում պատասխանատուներին պատասխանատվության ենթարկելու համար` անկախ նրանից, թե ապացույցներն ուր են տանում, եւ սահմանափակել նրանց վնասակար գործունեության ֆինանսավորումը: Ռուս ժողովուրդն իրավունք ունի արտահայտել իր տեսակետը խաղաղ ճանապարհով` առանց վախենալու որեւէ տեսակի վրեժխնդրությունից, մասնավորապես` ոչ (վրեժխնդրության) քիմիական նյութերի օգտագործմամբ»,- նշվում է Սպիտակ տան մամուլի քարտուղար Քեյլի Մակենանիի հայտարարության մեջ:
«Ոչ ոք իրեն ավելի կոշտ չի պահել Ռուսաստանի կառավարության նկատմամբ, քան ներկայիս նախագահը»,- նշվում է հայտարարության մեջ: