Պետերբուրգում գտել են ռեփեր Էնդի Կարտրայտի դին, որը մասնատել է նրա կինը

Սանկտ Պետերբուրգում մահացել է ռուս ռեփեր, Versus Battle-ի մասնակից Էնդի Կարտրայտը։ Ըստ նախնական վարկածի՝ նա մահացել է թմրամիջոցների գերդոզավորման պատճառով։ Նրա կինը փորձել է ազատվել մարմնից, գրում է Fontanka-ն։

Պարբերականի տեղեկություններով՝ Կարտրայտի մարմինը մի քանի օր մնացել է Նեւսկի պողոտայում գտնվող բնակարանում։ Սակայն հուլիսի 29-ին փաստաբանը ոստիկանությանը փոխանցել է մահացածի կնոջ վարկածը. իբրեւ ռեփերը մահացել է թմրամիջոցների գերդոզավորման արդյունքում, իսկ ինքը որոշել է թաքցնել դա։ Կինը պնդում է, որ սիրելիի համար «անփառունակ մահ» չէր ցանկանում, այդ պատճառով փորձել է ամեն ինչ այնպես ներկայացնել, թե նա պարզապես կորել է։

«Նա ցանկացել է քաքցնել մարմինը, այդ պատճառով նրա մարմինը մասնատել է, սակայն չի կարողացել մտածել՝ ինչ անել հետո»,- գրում է պարբերականը։