Հայաստանն անհամբերությամբ սպասում է Թուրքիայի հետ սահմանի և երկաթուղային կապի բացմանը. Փաշինյան
Տարածաշրջանային ուղիների և ենթակառուցվածքների ապաշրջափակման համատեքստում՝ Հայաստանն անհամբերությամբ սպասում է Թուրքիայի հետ սահմանի և երկաթուղային կապի բացմանը: Այս մասին Նյու Յորքում «Կոնկորդիա» ամենամյա գագաթնաժողովի պանելային քննարկման ընթացքում հայտարարել է Հայաստանի վարչապետ Նիկոլ Փաշինյանը:
«Ներկայում մենք կենտրոնացած ենք ԹՐԻՓՓ ուղի նախագծի իրականացման ուղղությամբ: Այդ ծրագրի իրականացման արդյունքում մենք լիարժեք կբացենք տարածաշրջանային կապակցվածությունը: 1990-ականների սկզբներից Հայաստանը փաստացի շրջափակման մեջ է և ԹՐԻՓՓ ուղին նոր դարաշրջան կբացի մեր երկրի, մեր տնտեսության համար, քանի որ առաջին հերթին մենք կունենանք երկաթուղային կապ Ադրբեջանի հետ: Մենք անհամբեր սպասում ենք, որ բացվի Թուրքիայի հետ Հայաստանի սահմանը և դրա շրջանակում նաև երկաթուղային կապը Հայաստանի և Թուրքիայի միջև»,- նշել է Փաշինյանը:
Վարչապետն ընդգծել է, որ նախագծի իրականացման արդյունքում կփոխվի միջազգային լոգիստիկան, քանի որ միջազգային հանրությունը նոր ուղի կստանա արևելքի և արևմուտքի միջև: «Որպես արդյունք, որն ուղղակիորեն կապված չէ ԹՐԻՓՓ հետ, նաև կբացվի երկաթուղային կապը Պարսից ծոցի և Սև ծովի միջև»,- ասել է վարչապետը:
Նիկոլ Փաշինյանը հիշեցրել է, որ տարիներ առաջ Հայաստանի կառավարությունը ստեղծել է «Խաղաղության խաչմերուկ» նախագիծը, որն այս ամենի հետ միասին դառնում է իրականություն:
Թուրքիայի նախագահ Ռեջեփ Թայիփ Էրդողանը Նյու Յորքում ՄԱԿ-ի Գլխավոր ասամբլեայի 81-րդ նստաշրջանում ունեցած ելույթում նշել էր, որ Թուրքիան և Հայաստանը առաջընթաց են գրանցել երկկողմ հարաբերությունների կարգավորման գործընթացում։
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Ծաղկունքում հարյուրավոր գլուխ ոչխարներ են անկել
ՆԳՆ ոստիկանության գվարդիայի ծառայողները կանխել են հետագա զարգացումները
Փարիզում ոստիկանները զանգվածային բողոքի ակցիա են անցկացրել
«Խոսրովի անտառ» պետական արգելոցի տեսախցիկները գայլերի են ֆիքսել (տեսանյութ)
Կոսովոյի նախկին նախագահ Հաշիմ Թաչիին դատապարտել են 25 տարվա ազատազրկման
Դարձիր Երևանի քաղաքապետի օգնական
Պատմական հանդիպում՝ Սպիտակ տան Օվալաձև գրասենյակում․ հայ հոգևոր առաջնորդներն ու ԱՄՆ-ում ՀՀ դեսպանը ա...
Երբ փորձում էինք փնտրել ուրիշ տեղ, զենքի մատակարարման շուկաները փակ էին մեզ համար
Բելառուսը կազատի 25 բանտարկյալի՝ «որպես բարի կամքի դրսևորում»