Քանյե Ուեսթի նախընտրական պլանները. ի՞նչ է նա պատրաստվում անել

Հայտնի ամերիկացի երաժիշտ Քանյե Ուեսթը վերջերս հայտարարել է, որ մտադիր է մասնակցել ԱՄՆ նախագահական ընտրություններին: Հուլիսի 8-ին հեղինակավոր «Forbes» պարբերականը հրատարակեց բացառիկ հարցազրույց Քանյեի հետ, վերջինս պատմում է իր քաղաքական ծրագրերի և առաջնային կարևորության անելիքների մասին: Այս ամենն, իհակե, բարդ է նախընտրական ծրագիր համարել, սակայն ռեփերը բավականին լուրջ է տրամադրված։

Այսպիսով, Քանյեն մանրամասնում է…

• Ուեսթի կուսակցության անունն է « Birthday Party», քանի որ, նրա ղեկավարման տարիներին «բոլորը ծննդյան օր կունենան». սա հենց նրա մեկնաբանությունն է:

• Քանյե Ուեսթը պատրաստվում է գնալ դեպի ԱՄՆ նախագահի պաշտոն Վայոմինգի քահանա Միշել Թիդբալի հետ, վերջինիս, հավանաբար, բաժին կհասնի փոխնախագահի պաշտոնը :

• Քանյեն պատրաստվում է Էլոն Մասկին առաջարկել ղեկավարել NASA- ն և զբաղվել ԱՄՆ տիեզերական ծրագրով:

Ուեսթի քաղաքական արշավի կարգախոսն է՝ «YES!»:

• Քանյե Ուեսթը հաստատել է, որ այլևս չի սատարում ԱՄՆ ներկա նախագահ Դոնալդ Թրամփին։

• Ըստ Քանյեի, իր հավանական մրցակից Զո Բայդենը «միջակ» է:

• Արտաքին քաղաքականության մասին Քանյեն դեռևս հստակ ծրագրեր չունի, նա կենտրոնացել է հիմնականում ամերիկացիներին պաշտպանելու վրա:

Քանյե Ուեսթը դեմ է հղիության ընդհատմանը ՝ դա բացատրելով կրոնական հավատալիքներով և Աստվածաշնչի խոսքերով:

• Քանյեն նաև հերքում է ընդհանուր պատվաստումների գաղափարը, նա կարծում է, որ պատվաստանյութերը գազանների համար են:

• Թեև ինքը՝ ռեփերը հիվանդացել է կորոնավիրուսով, այդուհանդերձ նա վստահ է, որ պատվաստումները սխալ են, պարզապես պետք է աղոթել: «Ամեն ինչ Աստծո մասին է: Մենք պետք է դադարենք անել այն, ինչը զայրացնում է Աստծուն»:

• Քանյե Ուեսթը մտադիր է կառուցել իր կառավարման մոդելը «Սև պանտեր» բլոկբաստերից վերցված ուտոպիական ​​պետություն Վականդայի օրինակով:

• Կրկին կրոնի մասին. Քանյեն ցանկանում է, որ աղոթքը վերադառնա ամերիկյան դպրոցներ: Աստծո պակասը և աղոթքների դադարեցումը դպրոցներում, նրա կարծիքով, հրահրում են սպանությունների թվի աճին և թմրանյութերի օգտագործում: