Մարմնավաճառները Գազմանովին իրենց անվճար ծառայություններն են առաջարկել «Путана» երգի համար

Երգիչ, Ռուսաստանի ժողովրդական արտիստ Օլեգ Գազմանովը կիսվել է հիշողություններով այն մասին, թե ինչպես են մարմնավաճառները որպես շնորհակալություն «Путана» երգի համար առաջարկել անվճար սպասարկել իրեն եւ իր երաժշտական ամբողջ կոլեկտիվին։ Երգիչն այդ պատմությունը ներկայացրել է Մաքսիմ Գալկինի ու ռեփեր Գանվեսթի մասնակցությամբ «Музыкалити» հաղորդման եթերում, որը հրապարակվել է YouTube-յան Gazgolder ալիքում։

«Հինգ-վեց մարմնավաճառ է կանգնած։ Մոտենում են. «Օլեգ, ինչպես ես երգել մեր մասին։ Չես ստել ոչինչ»։ եվ հսկայական ծաղկեփունջ են տալիս։ «Մենք պատրաստ ենք ամբողջ խմբին անվճար սպասարկել»։ Եվ ինձ այսպիսի ծաղկեփունջ են տալիս»,- պատմել է Գազմանովը։

«Ես գիտեմ՝ այս հաղորդման թողարկումից հետո ինչ վերնագիր է լինելու. «Մարմնավաճառները Գազմանովին պարգեւատրել են ծաղկեփնջով»,- կատակել է Գալկինը։