Արքայազն Ուիլյամը և Քեյթ Միդլթոնը դատի են տվել Tatler ամսագրին՝ «դաժան և խտրական» հոդվածի համար

Մեծ Բրիտանիայի արքայազն Ուիլյամը և նրա կինը՝ Քեմբրիջի դքսուհի Քեյթ Միդլթոնը, ըստ հաղորդման, դատի են տվել Tatler ամսագրին՝ «դաժան և խտրական» հոդվածի համար, որում քննադատվում է Քեմբրիջի դքսուհու քաշը և երեխաների դաստիարակությունը, գրում է Daily Mail-ը։

Հաղորդվում է, որ թագավորական զույգն իրավաբանական նամակներ է ուղարկել ամսագրին՝ պահանջելով համացանցից հեռացնել «Եկատերինա Մեծը» վերնագրով հոդվածը։

Քենսինգթոնյան պալատն, իր հերթին, անցյալ շաբաթ խիստ քննադատական հայտարարություն է տարածել հոդվածի վերաբերյալ՝ այն որակելով «անճշտությունների և կեղծումների շղթա»։

Հաղորդվում է, որ թագավորական պալատի ներկայացուցիչները, մասնավորապես, բարկացած են հոդվածագիր Աննա Պաստեռնակի այն հայտարարությունից, որ արքայազն Հարիի և Մեգան Մարքլի՝ թագավորական ընտանիքի ավագ անդամների լիազորությունները վայր դնելուց հետո Քեմբրիջի դքսուհին ծանրաբեռնվածության պատճառով «ուժասպառ է և իրեն փակուղում է զգում»։

Հոդվածում խոսվում է Քեմբրիջի դքսուհու սննդային վարքի խանգարումների մասին, ինչից տառապել է նաև արքայադուստր Դիանան։ Քեյթ Միդլթոնը քննադատության է ենթարկվում երեխաներին դաստիարակելու մեթոդների համար։

«Քեյթը վտանգավոր աստիճանի հյուծվել է, ոմանք նրան նույնիսկ արքայադուստր Դիանա են ասում»,-գրված է հոդվածում։

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից