Արսեն Թորոսյանը կրկին հակասում է Նիկոլ Փաշինյանին. ո՞վ է ստում
Նիկոլի երեկվա ուղղերձը, որն արվում էր մութ քաղաքի ֆոնին, մեկ լեյտմոտիվ ուներ. կորոնավիրուսի տարածումը գտնվում է վերահսկողության տակ, հեսա մայիսից մանրից կվերադառնանք գործունեության հուն։
Եվ արդեն ձևավորվող ադաթի համաձայն՝ այսօր ստատուս է գրում Թորոսյան Արսենը, որն արմատական հակասության մեջ է Նիկոլի երեկվա ելույթի հետ, որովհետև Թորոսյանն էլ հստակ ակնարկում է, որ հիմա համավարակի կրկնապատկման տեմպը մեզ մոտ 17 օր է կազմում, և գուժում է, որ մայիսի վերջում կունենանք 5000 վարակված։
Իրականում երկուսն էլ բստրում են։ Նիկոլը բստրում է, որ վիրուսը վերահսկողության տակ է, և այս կետով ճիշտ էր ասում Արսեն Թորոսյանը. այն վաղուց դուրս է եկել վերահսկողությունից։ Թորոսյան Արսենն էլ է բստրում, որովհետև այն փաստը, որ կրկնապատկման տեմպը 17 օր է կազմում, պայմանավորված է արտակարգ դրությամբ, որի պատճառով հարյուրավոր ձեռնարկություններ ու մարդկանց կուտակման վայրեր չեն գործում։ Հենց սկսեն հանել սահմանափակումները, վարակվողների օրական թիվը կրկին էքսպոնենցիալ աճ է ունենալու, և ըստ այդմ, Թորոսյանի ասած 17 օրը շատ արագ կարող է դառնալ 13-10-7 օր։
Այս տխմար կառավարության քայլերի հետևանքն այն է, որ այսօր արդեն ցուգցվանգում ենք հայտնվել։ Խնդիրն այն է, որ բոլոր անհրաժեշտ քայլերը, որոնք պետք էին այս շրջանում, կա՛մ առհասարակ չարվեցին, կամ էլ արվեցին այնպիսի ուշացումով և այնքան թերի, որ դրանց ՕԳԳ-ն մինիմալ էր։
Արդյունքում ստեղծվել է սոված բունտերի ահագնացող ռիսկ, և հիմա արդեն դիլեման մեկն է՝ կա՛մ մայիսից թողնում են, որ մարդիկ հացի փող վաստակեն, ու հիվանդությունը սկսում է տարածվել երկրաչափական պրոգրեսիայով, կամ էլ չեն թողնում, որ հիվանդությունը կայծակնային տարածում ունենա, բայց սկսվում են լրջագույն սոցիալական խնդիրներ՝ անկանխատեսելի հետևանքներով։
Այսքանով հանդերձ՝ կրկնեմ՝ դեռ բախտներս բերում է։ Բախտներս բերում է, որովհետև սառը քրտինքով վեր թռնելու մղձավանջ է պատկերացնելը, որ այս անգրագետ, ապիկար ու դեմագոգ թիմը կարող է գլխավորել մեզ ավելի լուրջ ճգնաժամի՝ պատերազմի դեպքում։ Կառավարչական այսպիսի հմտություններով Արցախը ո՞րն է, կարող է Չարբախն էլ չկարողանանք պահել։
Կոնստանտին Տեր-Նակալյանի ֆեյսբուքյան էջից
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...