Արցախում հայտարարվել է ոչ թե արտակարգ դրություն, այլ արտակարգ իրավիճակ
Փաստաբան Նորայր Նորիկյանը ֆեյսբուքյան իր էջում գրում է՝
«ՈՒՇԱԴՐՈՒԹՅՈՒՆ՝ ԱՐՑԱԽՈՒՄ ՀԱՅՏԱՐԱՐՎԵԼ Է ՈՉ ԹԵ ԱՐՏԱԿԱՐԳ ԴՐՈՒԹՅՈՒՆ, ԱՅԼ ԱՐՏԱԿԱՐԳ ԻՐԱՎԻՃԱԿ...
------------------------------------------------------------------------------
Բակո Սահակյանը, ղեկավարվելով Արցախի Հանրապետության Սահմանադրության 93-րդ հոդվածի 20-րդ կետով, 133-րդ հոդվածի 1-ին մասով եւ «Արտակարգ իրավիճակներում բնակչության պաշտպանության մասին» օրենքի 1-ին եւ 5-րդ հոդվածներով` ստորագրել է հրամանագիր, համաձայն որի՝ Արցախի Հանրապետության ամբողջ տարածքում 2020 թվականի ապրիլի 12-ից, ժամը 22:00-ից սկսած մինչև 2020 թվականի մայիսի 12-ը, ժամը 22:00-ն ներառյալ՝ հայտարարվել է արտակարգ իրավիճակ:
Խնդրում եմ ուշադրություն դարձնել՝ հայտարարվել է ոչ թե արտակարգ դրություն, այլ արտակարգ իրավիճակ:
Այս մասին արդեն մեկ ամսից ավել է, ինչ խոսում եմ, որ մեզ մոտ նույնպես պետք է կորոնոավիրուսի դեմ պայքարն իրականացվեր «Արտակարգ իրավիճակներում բնակչության պաշտպանության մասին» ՀՀ օրենքի տրամաբանությամբ ու պահանջներով:
Ինձ համար գոնե ի սկզբանե պարզ էր, թե ինչի համար էր հայտարարվում արտակարգ դրություն և այժմ էլ որոշում կայացվում՝ երկարաձգելու այն:
/Հասկացողը հասկանում է, թե ՀՀ-ում ինչո՞ւ է հայտարարվել Արտակարգ դրություն, իսկ Արցախում՝ արտակարգ իրավիճակ/:
Եվ եթե Ձեզ թվում է, որ Դուք Հռոմի պապից ավելի կաթոլիկ եք, չարաչար սխալվում եք:
Ես վերահաստատում եմ ս.թ. մարտի 16-ին իմ կողմից արված գրառումը. համաձայն որի.
«Արտակարգ իրավիճակներում բնակչության պաշտպանության մասին» ՀՀ օրենքը սահմանում է արտակարգ իրավիճակներում բնակչության պաշտպանության հիմքերն ու կազմակերպումը, այդ բնագավառում պետական կառավարման և տեղական ինքնակառավարման մարմինների, ձեռնարկությունների, հիմնարկների, կազմակերպությունների` անկախ կազմակերպական-իրավական տեսակից (այսուհետ` ձեռնարկություններ, հիմնարկներ, կազմակերպություններ), ինչպես նաև պաշտոնատար անձանց և քաղաքացիների իրավունքներն ու պարտականությունները:
Նույն օրենքի 1-ին հոդվածով սահմանվում է ԱՐՏԱԿԱՐԳ ԻՐԱՎԻՃԱԿ հասկացությունը, համաձայն որի՝ արտակարգ իրավիճակ է համարվում որոշակի տարածքում կամ օբյեկտում խոշոր վթարի, վտանգավոր բնական երևույթի, տեխնածին, տարերային կամ էկոլոգիական (բնապահպանական) աղետի, համաճարակի, անասնահամաճարակի (էպիզոոտիա), բույսերի և գյուղատնտեսական մշակաբույսերի լայնորեն տարածված վարակիչ հիվանդության (էպիֆիտոտիա), զենքի տեսակների կիրառման հետևանքով ստեղծված իրավիճակ, որը հանգեցնում է կամ կարող է հանգեցնել մարդկային զոհերի, մարդկանց առողջությանն ու շրջակա միջավայրին` զգալի վնասի, խոշոր նյութական կորուստների և մարդկանց կենսագործունեության բնականոն պայմանների խախտման:
Այս օրենքով և այս հոդվածով սևով սպիտակի վրա նկարագրված է այսօրվա իրավիճակը և կարգավորված է բոլորի, կրկնում եմ՝ ԲՈԼՈՐԻ անելիքները:
Ես պնդում եմ, որ այն պետությունը, որը չի առաջնորդվում օրենքներով, ապագա չունի:
Եվ ինձ համար իսկապես տարակուսելի է, թե ինչպե՞ս է վերականգնվելու արտակարգ դրություն հայտարարվելու հետևանքով երկրին հասցված տնտեսական վնասը և ո՞վ է պատասխան տալու սրա համար:
Հ.Գ. Ծանոթ եմ Հայաստանի և Արցախի օրենսդրությունների նրբություններին և պնդում եմ, որ մեր դեպքում նույնպես կիրառելի պետք է լիներ «Արտակարգ իրավիճակներում բնակչության պաշտպանության մասին» ՀՀ օրենքը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...