Ժիրինովսկին Եվրամիությանը «կոլոխոզ» է անվանել

ՌԴ ԼԴԿ առաջնորդ Վլադիմիր Ժիրինովսկին «Հյուսիսային հոսք-2»-ի կառուցման դանդաղումը բացատրել է ԵՄ-ում որոշումների դժվար կայացմամբ, հայտնում է ՌԻԱ Նովոստին։

Քաղաքական գործիչը հայտարարել է, որ «Թուրքական հոսքի» գործարկումն արդեն տեղի է ունեցել, քանի որ կարեւոր որոշումները երկու մարդ են կայացրել։

««Հյուսիսային հոսք-2»-ի հարցերը լուծում է ամբողջ Եվրամիությունը, իսկ դա կոլխոզ է, այդ պատճառով էլ կառուցումը կանգնել է։ Ահա երկու տարբեր մոտեցումներ, եւ առաջինը, երբ պայմանավորվում է երկու մարդ, ակնհայտորեն ավելի լավ է»,- գրել է Ժիրինովսկին Telegram-ալիքում։

Չորեքշաբթի օրը կայացել է «Թուրքական հոսք» գազատարի բացման արարողությունը, որին մասնակցել են Ռուսաստանի, Թուրքիայի, Սերբիայի նախագահները եւ Բուլղարիայի վարչապետը։

ՌԴ նախագահ Վլադիմիր Պուտինը այս իրադարձությունը կարեւոր է համարել ոչ միայն Մոսկվայի եւ Անկարայի, այլեւ ամբողջ Եվրոպայի համար։

«Թուրքական հոսքը» վերջին ժամանակների ռուս-թուրքական համատեղ էներգետիկ նախագծերից ամենախոշորներից մեկն է։ Այս գազատարը կազմված է 15,75-ական խ/մ հզորությամբ երկու խողովակներից։ Առաջինը նախատեսված է ռուսական գազը թուրք սպառողներին, երկրորդը հարավային եւ հարավարեւելյան Եվրոպային մատակարարելու համար։

Այս թեմայով Ժիրինովսկի. «Միշիկո, ինչո՞ւ գնացիր Թբիլիսի: Ինչո՞ւ չեկար Մոսկվա» Ժիրինովսկին պահանջում է գործ հարուցել Ադրբեջանի նախկին դեսպանի հնչեցրած վիրավորանքներից հետո Ժիրինովսկին առաջարկել է դիակիզել Լենինին Լուկաշենկոն դառնում է ՌԴ գյուղատնտեսության գծով փոխվարչապետ, այլապես կարժանանա Պինոչետի ճակատագրին․ Ժիրինովսկի «26 տարի իշխանության, դու արդեն զզվեցրել ես». Ժիրինովսկին Լուկաշենկոյին «սովխոզի» տնօրեն է անվանել (տեսանյութ)