«Ղարաբաղյան հակամարտության կարգավորման բանակցային ձևաչափի փոփոխությունն անընդունելի է». Ալիև

Ադրբեջանի նախագահ Իլհամ Ալիևը շնորհավորել է հայրենակիցներին Նովրուզի տոնի առթիվ: Հայրենակիցներին ուղղված շնորհավորական ուղերձում Ադրբեջանի նախագահը չի շրջանցել Ղարաբաղյան հակամարտության կարգավորման թեման:

Նա հերթական անգամ նշել է, որ Ադրբեջանի դիրքորոշումն անփոփոխ է այս հարցում և որ հակամարտության շուտափույթ կարգավորումը պետք է հիմնված լինի միայն միջազգային իրավունքի նորմերի ու սկզբունքների վրա:

Ալիևը հիշեցրել է բանակցային ձևաչափը փոփոխելու հայկական կողմի բարձրացրած հարցի մասին: Նա հայտարարել է, որ «Ղարաբաղյան հակամարտության կարգավորման բանակցային ձևաչափի փոփոխությունն անընդունելի է Ադրբեջանի համար»: Նա հիշեցրել է նաև ԵԱՀԿ Մինսկի խմբի համախանագահների վերջին հայտարարության մասին, որում նշվում է, որ բանակցային ձևաչափը պետք է անփոփոխ մնա:

Ադրբեջանի նախագահը նշել է, որ այս ամենին զուգահեռ «Ադրբեջանը շարունակելու է հզորացնել ռազմական հզորությունը»: Ըստ նրա՝ ադրբեջանական բանակը համալրվում է «ամենաժամանակակից տեխնիկայով»:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»