Տարվո՞ւմ են ՀՀ-ի ու Ադրբեջանի միջև գաղտնի բանակցություններ․ ԱԳՆ-ն հղում է անում առավարության ծրագին
Ռուսաստանյան «Лента.ру»-ն այսօր հանդես է եկել ուշագրավ մի հրապարակմամբ այն մասին, որ Հայաստանի և Ադրբեջանի միջև ներկայումս տարվում են գաղտնի բանակցություններ՝ Լեռնային Ղարաբաղի ճակատագրի վերաբերյալ։
Նշվում է նաև, որ հակամարտության կարգավորման շուրջ բանակցային գործընթացը երկար տարիներ դոփում էր տեղում, իսկ 2016-ին գործը հասավ ռազմական գործողությունների վերսկսմանը։ «Թեպետ այսօր փոխադարձ կրակահերթերին փոխարինելու է եկել հարաբերական անդորրը, իսկ ագրեսիվ հռետորաբանությունը փոխարինվել է առավել մեղմ հայտարարություններով։ Հնարավոր է՝ կողմերից մեկի մոտ հայտնվել են հիմնավոր փաստարկներ և կամ կողմերից մեկը որոշել է գնալ զիջումների։ Հնարավոր է նաև՝ կողմերը, վերջապես, հասունացել են այս հակամարտությունը վերջնականապես ու մեկընդընդմիշտ կարգավորելու համար, քանի դեռ Կովկասում չի բռնկվել հերթական պատերազմը »,-գրված է լրատվամիջոցի անստորագիր անդրադարձում։
Hraparak.am-ն այս առնչությամբ մեկնաբանություն խնդրեց Հայաստանի արտգործնախարարության խոսնակ Աննա Նաղդալյանից, որն այս առնչությամբ ասաց․ «Բազմիցս ենք հայտարարել ,որ Հայաստանը հանձնառու է ԼՂ հիմնահարցի բացառապես խաղաղ կարգավորմանը բացառապես Մինսկի Խմբի համանախագահության հովանու ներքո։ Սա ամրագրված է նաև Հայաստանի կառավարության ծրագրում»։
ՀՀ ԱԳՆ խոսնակի այս պատասխանից այնքան էլ ակնհայտ չէ՝ հերքու՞մ է ԱԳՆ-ն գաղտնի բանակցությունների հնարավորությունը, քանի որ այլ՝ ճշգրտող հարցերի խոսնակը չպատախանեց՝ նշելով, որ այնքան էլ ճիշտ չի համարում անանուն աղբյուրի ասածների հիման վրա դրանից ավել մեկնաբանություններ անել։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...