Նեպալում ավտոբուսն ընկել է ձորը․ զոհերի թիվը հասել է 23-ի

Նեպալի Դանգ շրջանում ավտոբուսի՝ ձորը ընկնելու հետեւանքով զոհերի թիվը հասել է 23 մարդու, փոխանցում է «ՌԻԱ Նովոստի»-ն՝ վկայակոչելով տեղի Kathmandu Post թերթը։

Ավելի վաղ հաղորդվել էր 16 զոհի եւ 12 վիրավորի մասին։

Թերթի տվյալներով՝ տուժածների թիվն էլ հասել է 14-ի։ Ավտոբուսում ընդհանուր առմամբ 37 մարդ է եղել, նրանցից 34-ը՝ ուսանող, 2-ը՝ ուսուցիչ եւ վարորդը։

Himalayan Times պարբերականը հայտնել էր, որ ավտոբուսը 400 մետր բարձրությունից ընկել էր ձորը, զոհվել են ուսանողներ եւ ուսուցիչներ, որոնք գնում էին բուսաբանական այգի էքսկուրսիայի։