Կատալոնիայում բողոքի ցույցերի ժամանակ ավելի քան 60 մարդ է տուժել

Կատալոնիայի ինքնավար համայնքում իսպանական կառավարության դեմ ընթացող բողոքի ցույցերի ժամանակ 62 մարդ է տուժել, այդ թվում՝ ոստիկանության 35 աշխատակից: Այս մասին հաղորդում է Life.ru-ն՝ La Vanguardia-ին հղումով:

Պարբերականի փոխանցմամբ՝ բողոքի ցույցերին մասնակցել է շուրջ 40 հազար մարդ: Միևնույն ժամանակ իրավապահները ձերբակալել են 13 ցուցարարի:

Բողոքի զանգվածային ցույցերն անցկացվում են ամբողջ Կատալոնիայում: Պատճառն Իսպանիայի վարչապետ Պեդրո Սանչեսի՝ Իսպանիայի նախարարների խորհրդի նիստը Բարսելոնայում անցկացնելու որոշումն է: Սովորաբար այն անց է կացվում ուրբաթ օրերին՝ Մադրիդում: