Եվրոպայում հանրահայտություն է ձեռք բերում փուչիկներով սեքսը

Նրանց համար, ովքեր ցանկանում են իրենց սեքսուալ կյանքում բազմազանություն մտցնել, Balloons United ընկերությունն առաջարկում է նոր զվարճալիք: Metro-ն հայտնում է, որ փուչիկներով սեքսը կարող է ինտիմ հարաբերությունների մեջ նրբագրգիռ նոտա ավելացնել:
Նման տարօրինակ գաղափարի հեղինակը Գերմանիայում բնակվող մի կին է, որը քողարկվում է Maggy BerLoon մտացածին անվան տակ: Balloons United ընկերությունը հիմնադրած Մեգին փուչիկներով սեքսը նկարագրում է որպես «շատ ուրախացնող»: Նման արտասովոր աքսեսուարը պատրաստված է բնական, բիոտարրալուծվող լատեքսից:

Մեգիի խոսքով՝ փուչիկները կարելի է օգտագործել անգամ խմբակային սեքսի ժամանակ: Նման սեքսի յուրահատկությունն այն է, որ ցանկացած վայրկյանին փուչիկը կարող է պայթել: Ճիշտ է, չի հստակեցվում, այն կարո՞ղ է դրա ֆետիշիստներին որեւէ վնասվածք սպառնալ: Ինքը՝ Մեգին համոզված է, որ ինտիմ մերձեցման ժամանակ փուչիկի անկանխատեսելի պայթյունը միայն մեծացնում է հուզումը եւ սուր զգացողությունները:

Նրա կարծիքով՝ նման փորձարկումները կարող են օգնել սեփական սեքսուալության սահմանները առաջ տեղաշարժելուն: Իհարկե, այս պնդմանը ոչ բոլորն են համաձայն: Մեգին չի թաքցնում, որ շատերը չափազանց զարմանում են՝ տեղեկանալով փուչիկով սեքսի հնարավորության մասին, եւ նույնիսկ քթի տակ ծիծաղում են, երբ նրանց առաջարկում են փորձել նման արտառոց հաճույքը: