Առաջին խումբ. «Էրեբունին» չի ներկայացել «Երևան ՖԱ»-ի հետ խաղին

Հայաստանի Առաջին խմբի առաջնության 16-րդ տուրի շրջանակում «Երևան ՖԱ»-ն Էջմիածնի ֆուտբոլի ակադեմիայում այսօր պետք է ընդուներ «Էրեբունուն»:

 Հյուրերը, սակայն, չեն ներկայացել հանդիպմանն ու «Երևանը» տեխնիկական հաղթանակ է տարել:

 Այս կերպ, «Երևանն» այժմ 39 միավորով է գտնվում Հայաստանի Առաջին խմբի առաջնության մրցաշարային աղյուսակի երկրորդ հորիզոնականում:

«Էրեբունին» 16 խաղից հետո ընդամենը մեկ միավորով եզրափակում է մրցաշարային աղյուսակը:

 Տուրի մյուս խաղում «Յունիոր Սևանը» Ձորաղբյուրի մարզաբազայում ընդունել է «Բանանց-2»-ին: Հանդիպումը մեկնարկել է 15:00-ին, իսկ տանտերերն արդեն հաղթում են 1:0 հաշվով:

 16 տուրի մյուս 4 խաղերը կկայանան վաղը` նոյեմբերի 30-ին: