Չափազանց տպավորված հյուրընկալությունից և ուտեստների անկրկնելի համից. ռուս բլոգերի արցախյան այցի տպավորությունները (լուսանկարներ)
Արցախ այցելած ռուս բլոգեր Նատալյա Անոխինան, իր այցից անչափ տպավորված, հետաքրքիր նյութ է հրապարակել Live Journal-ում՝ կենտրոնանալով բացառապես Արցախի խոհանոցային առանձնահատկությունների վրա:
Բլոգերը պատմում է, որ Արցախում մասնակցել է գինու գյուղական փառատոնին, որի ժամանակ էլ համտեսել է ավանդական ժենգյալով հացը:
«Դրա միջուկում մինչև 17 տեսակ կանաչի է օգտագործվում: Այն մատուցում են տաք-տաք: Ժենգյալով հացը շատ համեղ է ու հրաշալիորեն համադրվում է գինու հետ»,-նշում է բլոգերը:
Ի դեպ, զբոսաշրջիկին տպավորել է նաև արցախցիների սրտաբացությունը:
«Երբ սեղանիկի մոտ կանգնած մտածում էինք՝ քանի՞ հատ ժենգյալով հաց վերցնել, մի անծանոթ տղամարդ հետաքրքրվեց, թե որտեղից ենք: Երբ ասացինք՝ Մոսկվայից, պատասխանեց՝ «Մոսկվայի՞ց, օ՜, դուք մեր հյուրերն եք, և ես ձեզ հյուրասիրում եմ»: Այս ասելով՝ նա վճարեց մեր հացերի համար ու լուռ հեռացավ»,- վերհիշել է բլոգերը:
Նատալյան պատմել է, որ Արցախում չորս օր է անցկացրել, ու այդ ընթացքում չափազանց տպավորված է եղել տեղացիների հյուրընկալությունից և ուտեստների անկրկնելի համից:
«Ընդհանրապես Լեռնային Ղարաբաղի խոհանոցը շատ նման է հայկականին: Քաբաբ, խորոված, բանջարեղեն, կանաչեղեն, կոմպոտներ ու գինիներ. սրանք այն բաներն են, որոնցով ձեզ պատվելու են միշտ ու ամենուր»,-գրում է բլոգերը:
Նրան նաև զարմացնում է այն փաստը, որ ի տարբերություն ռուսական ռեստորանների՝ Ղարաբաղի բոլոր ռեստորաններում մատուցվում են միանման ուտեստներ՝ թարմ բանջարեղեն, թթու, կանաչեղեն, պանիր, սմբուկի խավիար, խորոված:
«Ընդ որում՝ այստեղի բանջարեղենը մեր խանութների բանջարեղենին նման չէ: Դրանք միշտ թարմ են, բանջարանոցից հենց նոր բերված: Լոլիկը լոլիկի համ ունի, վարունգը՝ վարունգի: Բացի այդ, սեղանի զարդն են միշտ թարմ ու անուշաբույր կանաչեղենը, թթվի առատ տեսականին»,-շարունակել է բլոգերը:
Բլոգերը գովել է ձվով տապակած կանաչեղենով, հատիկավոր ու կանաչ լոբով ուտեստները և իհարկե խորովածի, քաբաբի տեսականին:
«Ինձ հաճելիորեն զարմացրեց, որ որոշ ռեստորաններում խորովածից ու քաբաբից հետո մատուցում են տապակած ձուկ՝ կա՛մ իշխան, կա՛մ գետի ձուկ»,-պատմել է Նատալյան:
Նա խորհուրդ է տալիս Արցախ այցելելու դեպքում անպայման գնալ Ստեփանակերտի շուկա, որն իսկական շուկա է՝ համեղ ուտելիքներով ու մատչելի գներով:
«Այստեղ կարելի է հանդիպել այն ամենին, ինչ կա Լեռնային Ղարաբաղում: Եվ նույնիսկ եթե ոչինչ չգնեք, ապա կարող եք զիլ ֆոտոշարք անել»,-նշել է Նատալյան՝ մանրամասնելով, որ ինքն ու ամուսինը Ստեփանակերտի շուկայից հեռացել են տարատեսակ համեղ ուտելիքներով «բարձված»:
Նա հավելել է, որ Մոսկվա վերադառնալուց հետո դեռ երկար են հիշելու հյուրընկալ ու շնորհաբեր Արցախը:
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Սպիտակ տունը գործարկել է Trump TV-ն
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Մի շարք հասցեներում այսօր էլեկտրաէներգիայի անջատումներ կլինեն
Վարչապետ Փաշինյանն աշխատանքային այցով մեկնում է ԱՄՆ
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Բարսելոնան մտադիր չէ բաժանվել իր սանից