Բրիտանական Postivie News-ը` Արցախի կին ականազերծողների մասին
Արցախում ականազերծող կանանց է անդրադարձել է Postive News բրիտանական լրատվամիջոցը։
Արցախում ականազերծման աշխատանքներով զբաղվող «Halo Trust» միջազգային կազմակերպությունում կանայք աշխատում են 2015-ից: Այժմ Արցախում կազմակերպության աշխատողներից 11-ը կանայք են, մի քանիսն էլ հատուկ ուսուցում են անցնում, որպեսզի շուտով համալրեն նրանց շարքերը:
Ականազերծող Քրիստինե Խաչատրյանը նախկինում աշխատում էր դպրոցում: Նա պատմել է, որ սկզբում վախենում էր, սակայն ինտենսիվ ուսուցում անցնելուց հետո այժմ այնպես է աշխատում, որ իր ամուսինն ու երեխաները կարող են հպարտանալ:
Մեկ այլ ականազերծող` Լուսինե Ասրյանը, պատմել է, որ նման աշխատանքով զբաղվելու համար խոր, անձնական պատճառներ ունի. Ասրյանի հորեղբայրը զոհվել է ականի պայթյունից, որից հետո էլ նա որոշել է ականազերծող դառնալ:
Չնայած կարծրատիպերին` կին ականազերծողները հպարտ են, որ տղամարդկանցից հետ չեն մնում: Մեկ այլ ականազերծող՝ Սիրուն Օհանյանը, ասել է, որ կանայք իրականում ավելի լավ են կարողանում կատարել այս աշխատանքը, քանի որ նրանք ավելի բծախնդիր են, զգուշավոր և պատասխանատու:
Աշխատանքի ամենամեծ դժվարությունը, կանանց խոսքով, երեխաներից հեռու լինելն է: Դժվար են նաև եղանակային պայմանները, երբ ձմռանը խիստ ցուրտ է, իսկ ամռան կիզիչ արևի տակ ժամերով աշխատելը` գրեթե անտանելի: Սակայն աշխատանքի ավարտն արդեն մոտ է: 2010-ից ի վեր ականազերծման ենթական տարածքի 90 տոկոսն արդեն վնասազերծվել է:
Լրատվամիջոցը գրում է, որ բացի ինքնահաստատվելուց, կանայք երազում են Արցախում ապահով ապագա ունենալու մասին, որտեղ նրանց երեխաները կկարողանան ազատ շրջել դաշտերով: «Երբ ականները վնասազերծվեն, կյանքը կդառնա ապահով, և մարդիկ կկարողանան ապրել՝ առանց վախի», - ասել է Խաչատրյանը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...