Ջոն Թերին ավարտեց կարիերան

Լոնդոնի «Չելսիի» ու Անգլիայի ազգային հավաքականի նախկին ավագ Ջոն Թերին պաշտոնապես հայտարարել է կարիերան ավարտելու մասին:

«23 անհավանական տարի ֆուտբոլում անցկացնելուց հետո որոշեցի, որ հիմա ճիշտ ժամանակն է կարիերան ավարտելու համար: Այժմ իմ կյանքում պետք է բացեմ նոր էջ՝ նոր մարտահրավերներով»,- Ինստագրամում գրել է 37-ամյա ֆուտբոիստը:

Հիշեցնենք, որ անգլիացի պաշտպանի վերջին ակումբն էր Անգլիայի Չեմպիոնշիփում հանդես եկող «Աստոն Վիլան», որի կազմում նա խաղաց նախորդ մրցաշրջանում: Թերին կարիերայի մեծ մասն անցկացրել է Լոնդոնի «Չելսիում», որի գլխավոր թիմում խաղացել է 1998-2017-ը ու 5 անգամ դարձել Անգլիայի չեմպիոն, իսկ 2012-ին նվաճել է Չեմպիոնների լիգայի գավաթը: Անգլիայի ազգային հավաքականում պաշտպանը հանդես է եկել 2003-2012-ը՝ մասնակցելով 78 հանդիպման եւ դառնալով 6 գոլի հեղինակ:

Կարիերայի ընթացքում Ջոն Թերին նվաճել է 17 տիտղոս: