«Բենֆիկային» 2 գոլ խփած Ղազարյանի վիճակագրությունն ու գնահատականը

Whoscored.com-ը ներկայացրել է «Շավիշի» եւ Հայաստանի հավաքականի կիսապաշտպան Գեւորգ Ղազարյանի վիճակագրությունը Լիսաբոնի «Բենֆիկայի» դեմ Պորտուգալիայի առաջնության 6-րդ տուրում:

Ղազարյանը կատարած 3 հարվածից 2-ն ավարտվել է դարպասի գրավումով: Հայ ֆուտբոլիստի 32 փոխանցումից 84.4 տոկոսը հասել է թիմակիցներին: 30-ամյա ֆուտբոլիստը 2 անգամ խլել է գնդակը: Նա կանոնները խախտել է 2 անգամ, 1 անգամ հայտնվել է խաղից դուրս վիճակում: Ղազարյանի դեմ կանոնները խախտել են 1 անգամ:

Ղազարյանը ստացել է 8.13 գնահատականը եւ ճանաչվել է լավագույն խաղացողը «Շավիշի» կազմում:

Հիշեցնենք, որ հանդիպումն ավարտվել է 2:2 հաշվով, ամբողջ հանդիպումն անցկացրած Ղազարյանը դարձել դուբլի հեղինակ՝ երկրորդ գոլը խփելով ավելացված ժամանակում: