Քաթարի էմիրը VIP ինքնաթիռ է նվիրել Էրդողանին (Լուսնկարներ)

Քաթարի էմիր Թամիմ բին Համադ ալ Թանին շուրջ 400 մլն դոլար արժողությամբ Boeing-747-8 տեսակի օդանավ է նվիրել Թուրքիայի նախագահ Ռեջեփ Թայիփ Էրդողանին, այս մասին գրում է «ՀաբերԹյուրք»-ը։

Հայտնի է, որ VIP ինքնաթիռն արդեն ժամանել է Թուրքիա և վայրէջք կատարել Ստամբուլի Սաբիհա Գյոքչենի անվան օդանավակայանում, այն համալրել է Էրդողանի անձնական ինքնաթիռների պարկը։

Նշվում է, որ ավելի վաղ էմիրը վաճառքի էր հանել օդանավը, սակայն երբ հայտնի է դարձել, որ Էրդողանը հետաքրքրված է ինքնաթիռով՝ Թամիմ բին Համադ ալ Թանին որոշել է նվիրել այն Թուրքիայի ղեկավարին ի նշան Թուրքիայի հանդեպ ունեցած համակրանքի ու հարգանքի։

Մինչ այդ, ինքնաթիռն ընդհանուր առմամբ հասցրել է ճանապարհորդել 436 ժամ՝ իրականացնելով 200 թռիչք։ Ինքնաթիռն ունի առանձին ննջասենյակներ, նիստերի դահլիճ ու անգամ՝ բուժսենյակ։