Ես ամեն օր անում եմ առավելագույնը, որպեսզի դառնամ ավելի ուժեղ. Մխիթարյան
Հայաստանի ազգային հավաքականի և «Արսենալի» կիսապաշտպան Հենրիխ Մխիթարյանը հարցազրույց է տվել ակումբի պաշտոնական կայքին.
«Ես ամեն օր, ամեն ժամ և րոպե անում եմ առավելագույնը, որպեսզի դառնամ ավելի ուժեղ: Ես միշտ ունեցել եմ երազանքներ, միշտ ունեցել եմ ամբիցիաներ ու ցանկացել եմ հետևել դրանց: Միշտ ցանկացել եմ իրականացնել դրանք, քանի որ այդ ամենը կարևոր է եղել իմ և ընտանիքիս համար:
Ես միշտ աշխատում եմ քրտնաջան, հանգստյան օրեր չեմ ունենում ու ավելի շատ աշխատում եմ ինքս իմ վրա: Հաճելի է լինել այս ակումբի պատմության մի մասը, քանի որ «Արսենալը» մեծ ակումբ է ու բոլորը գիտեն, որ այս ակումբում լինելը մեծ նշանակություն ունի յուրաքանչյուրի համար:
Ինչ վերաբերվում է ինձ, ապա շատ ուրախ եմ, որ այստեղ ինձ մարզել է Արսեն Վենգերը: Ինչպես նաև կրկնակի հաճելի է, որ իմ ուժերը փորձում եմ Ունայ Էմերիի գլխավորությամբ:
Ես գնահատում եմ այն մարդկանց, ովքեր փորձում են և օգնում են «Արսենալին» ավելի շատ, քանի որ «Արսենալն» ակումբ է, որը պետք է խաղա Չեմպիոնների լիգայում ու կռիվ տա Անգլիայում տիտղոսների համար: Մենք փորձում ենք անել այնպես, որպեսզի հետ բերենք «Արսենալի» նախկին մակարդակը»,- հայ ֆուտբոլիստի խոսքերը մեջբերում է ակումբի պաշտոնական կայքը:
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Սպիտակ տունը գործարկել է Trump TV-ն
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Մի շարք հասցեներում այսօր էլեկտրաէներգիայի անջատումներ կլինեն
Վարչապետ Փաշինյանն աշխատանքային այցով մեկնում է ԱՄՆ
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Բարսելոնան մտադիր չէ բաժանվել իր սանից