Իսպանիան «աֆալտին փռեց» աշխարհի փոխչեմպիոններին

Ազգերի լիգայի խմբային փուլի A դիվիզիոնում Իսպանիայի հավաքականը 6:0 հաշվով ջախջախել է Խորվաթիայի ընտրանուն:

Աշխարհի փոխչեմպիոնի դեմ Էլչե քաղաքում կայացած մրցավեճում փայլել է Մարկո Ասենսիոն, ով դարձել է գոլի (33-րդ րոպե) ու երկու գոլային փոխանցման հեղինակ: Նրա մեկ հարվածից հետո էլ գնդակն անդրադրաձել է դարպասաձողից, ապա դարպասապահ Լովրե Կալինիչից և հայտնվել դարպասում. Արձանագրվել է ինքնագոլ (35):

Մեկական անգամ աչքի են ընկել նաև Սաուլ Նիգեսը (24), Ռոդրիգո Մորենոն (49), Սերխիո Ռամոսը (57) և Իսկոն (70):

Աշխարհի առաջնության բրոնզե մեդալակիր Բելգիան արտագնա խաղում 3:0 հաշվով պարտության է մատնել Իսլանդիային: Դուբլի հեղինակ է դարձել Ռոմելու Լուկակուն (31, 81), իսկ մինչև այդ հաշիվը 11-մետրանոց հարվածով բացել է Էդեն Ազարը (29)

Ազգերի լիգայի հերթական խաղային օրվա բոլոր արդյունքները.

A դիվիզիոն

Խումբ 2. Իսլանդիա – Բելգիա ` 0:3

Խումբ 4. Իսպանիա – Խորվաթիա` 6:0

B դիվիզիոն

Խումբ 3. Բոսնիա և Հերցեգովիան – Ավստրիա` 1:0

C դիվիզիոն

Խումբ 2. Ֆինլանդիա – Էստոնիա` 1:0, Հունգարիա – Հունաստան` 2:1

D դիվիզիոն

Խումբ 2. Սան Մարինո – Լյուքսեմբուրգ` 0:3, Մոլդովա – Բելառուս` 0:0

ArmFootball.com