Ֆրանսիայում կողոպտել են աշխարհի ամենահարուստ ընտանիքներից մեկին

Bloomberg-ը Դյումաների ընտանիքն աշխարհում ամենահարուստ ընտանիքներից մեկն է անվանել՝ նրանց կարողություը գնահատելով 49,2 միլիարդ դոլար։

Օգոստոսի 20–ի լույս 21-ի գիշերը անհայտ անձինք Hermes նորաձևության տան սեփականատերերի առանձնատուն են ներխուժել։ 87 և 83 տարեկան ամուսինները հանգստանում էին Դյեպ քաղաքի մոտակայքում գտնվող իրենց կալվածքում։ Կողոպտիչները տարեց Դյումաներից բոլոր թանկարժեք զարդերն ու կանխիկ գումար են պահանջել, ինչից հետո հեռացել են։ Այս մասին հաղորդում է Paris Normandie պարբերականը։ Սպառնալիքների օգնությամբ նրանց հաջողվել է տարեց զույգից խլել այն ամենը, ինչ նրանց մոտ եղել է, այդ թվում՝ թանկարժեք զարդեր և ընտանեկան մասունքներ։

Բարեբախտաբար կողոպտիչները ֆիզիկական ուժ չեն կիրառել։

Բացի նյութական արժեքներից, հանցագործներին նաև «որոշ տեղեկություններ» են հետաքրքրել։ Ըստ պարբերականի հաղորդման՝ այդ տվյալներն անմիջական կապ չունեն Hermes առևտրի տան հետ։ Le Figaro պարբերականը հաղորդել է, որ նրանք պահանջել են իրենց տալ ամուսինների մշտական բնակության վայրի հասցեն։