Մոսկվայում կողոպտել են «Ձայնը» նախագծի հայազգի մասնակցին

Ռուսական «Ձայնը» հեռուստանախագծի հայազգի մասնակիցներից Արմեն Ավջանը բողոք է ներկայացրել ոստիկանություն՝ հայտնելով, որ Մոսկվայում տաքսու վարորդը թալանել է իրեն, հայտնում է ren.tv-ն։

Մասնավորապես, երբ արտիստը վճարել է վարորդին ուղևորության համար՝ վերջինս չի վերադարձրել նրա ուղեբեռը։ Ավջանը կորցրել է իր ջութակը, ջութակի երկու աղեղ, հագուստի պատյանը, հագուստն ու բարձրախոսը։

Նշվում է, որ միջադեպը տեղի է ունեցել օգոստոսի 18-ին, երբ տաքսու վարորդն Ավջանին Մոսկվայի կենտրոնում գտնվող սրճարաններից մեկից տարել է Նագորնայա փողոց։

Իրավապահները դեպքի առնչությամբ ստուգումներ են իրականացնում։