Ղազախստանում արգելել են 88 արտասահմանյան հեռուստաալիքների հեռարձակումը

Ղազախստանում արգելել են 88 արտասահմանյան հեռուստաալիքների հեռարձակումը, քանի որ նրանք չեն կատարել նոր օրենքի պահանջը եւ ներկայացուցչություն չեն բացել երկրում, հայտնում է «Դոժդ»–ը՝ վկայակոչելով Ղազախստանի տեղեկատվության եւ հաղորդակցության նախարարությանը։ Ի դեպ, արգելքի տակ է հայտնվել նաեւ «Դոժդ»–ը։

Հունվարին Ղազախստանում ուժի մեջ է մտել օրենք, որի համաձայն երկրում հեռարձակվող բոլոր արտասահմանյան հեռուստաալիքները եւ ռադիոկայանները պարտավոր են գրանցել իրենց որպես իրավանական անձ կամ իրենց մասնաճյուղը։ Հեռարձակողներին այս պահանջի կատարման համար կես տարի ժամանակ է տրվել։

307 արտասահմանյան հեռարձակողներից Ղազախստանում ներկայացուցչություն են բացել 219-ը, իսկ 88 ալիքները դա չեն արել, ուստի նրանցից հետ են վերցրել գրանցման վկայականները, եւ նրանք զրկվել են հեռարձակման իրավունքից:

Բացի «Դոժդ»–ից, այդ ալիքների թվում են հայտնվել «Սպաս»–ը, Russia Today TV–ն, RT Documentary–ն, Fashion TV–ն, НТВ-ՊԼՅՈՒՍ 3D–ն, «Կինոլյուքս»–ը, THT-Comedy–ն, Դաղեստանի արբանյակային հեռուստատեսությունը, «Գրոզնի» հեռուստաալիքը, Chasse et Peche–ն, Sky News–ը, Fox News–ը, Fox Business Network–ը, France 24–ը, Bloomberg Television–ը, CNBC–ը եւ այլն։