Զբոսանք, խաղեր, հանդիպումներ. Մելանյա Թրամփը լավ ժամանակ է անցկացրել Թերեզա Մեյի ամուսնու հետ (լուսանկարներ, տեսանյութ)

Մինչ ԱՄՆ նախագահ Դոնալդ Թրամփը բանակցում է Մեծ Բրիտանիայի վարչապետ Թերեզա Մեյի հետ, նրա կինը՝ առաջին տիկին Մելանյա Թրամփը, հրաշալի ժամանակ է անցկացնում վարչապետի ամուսնու՝ Ֆիլիպ Մեյի ընկերակցությամբ:

Ինչպես նշում է Daily Mail-ը, 48-ամյա նախկին մոդելն ու 60-ամյա Մեյը միասին այցելել են Չելսիի թագավորական հոսպիտալ, որտեղ հանդիպել են մի խումբ թոշակառուների ու երեխաների:

Նրանք միասին խաղացել են, զվարճացել, զրուցել ու զբոսնել:

Հատուկ այս առիթի համար տիկին Թրամփը կրել է 1.910 դոլարանոց Victoria Beckham զգեստ՝ դրանք համադրելով էլեգանտ բարձրակրունկներով:

Դրանից առաջ պարոն Մեյն ու ԱՄՆ առաջին տիկինը այցելել էին եկեղեցական դպրոց, որտեղ միացել էին Զոհվածների հիշատակի ոգեկոչման օրվա առիթով թղթե կակաչներ պատրաստող երեխաներին:

Ավելի ուշ տիկին Թրամփը կմիանա ամուսնուն՝ թագուհի Էլիզաբեթ 2-րդի հետ հանդիպման առիթով: