Բելգիայում ութամյա տղան ավարտել է դպրոցը 1,5 տարում

Բելգիացի Լորան Սիմոնսը արդեն ութ տարեկան հասակում ավարտել է ավագ դպրոցը և պատրաստվում է համալսարան ընդունվել, հաղորդում է RTBF-ն:

Լորանն ավարտել է դպրոցի վեցամյա դասընթացները 1.5 տարում և վկայական է ստացել 18-ամյա շրջանավարտների հետ: Տղայի ծնողները պնդում են, որ նրա IQ ցուցանիշը հավասար է 145-ի:

 RTBF-ին տված հարցազրույցու Լորանը պատմել է, որ իր սիրելի առարկան մաթեմատիկան է: Ազատ ժամանակ նա սիրում է վարժություններ լուծել: Նախկինում նա ցանկանում էր վիրաբույժ կամ տիեզերագնաց դառնալ, իսկ հիմա հակված է ինֆորմատիկային: Ծնողները նաև նշել են, որ Լորանը մանուկ հասակից առանձնահատուկ է եղել և չի սիրել խաղալ ուրիշ երեխաների հետ