Ռուսաստանի էներգետիկայի նախարարը հանդիպումներ է ունենում Վաշինգտոնում

Ռուսաստանի էներգետիկայի նախարար Ալեքսանդր Նովակը Վաշինգտոնում հանդիպել է ամերիկացի գործընկերոջ՝ Ռիք Փերիի և ֆինանսների նախարար Սթիվեն Մնուչինի հետ: Հանդիպումների ընթացքում քննարկվել են Ռուսաստանի դեմ ամերիկյան պատժամիջոցներն ու էներգետիկային վերաբերող հարցեր:

Նախագահ Դոնալդ Թրամփի վարչակազմը անցած տարի է՛լ ավելի խստացրեց Ղրիմի բռնակցումից հետո Ռուսաստանի դեմ սահմանված պատժամիջոցները՝ սահմանափակումներ մտցնելով ռուս օլիգարխների, ռազմական ու հետախուզական գործակալությունների նկատմամբ:

«Մենք չէինք կարող խուսափել այս դժվարին հարցերից», - ամերիկյան կողմի հետ բանակցություններից հետո ասել է Ռուսաստանի էներգետիկայի նախարարը:

Ըստ ՏԱՍՍ գործակալության, Նովակը հատկապես անդրադարձել է ռուսական «Հյուսիսային հոսք-2» գազատարի նկատմամբ սահմանափակումներ մտցնելու ամերիկյան սպառնալիքներին:

Դեռ անցած տարի Միացյալ Նահանգների Կոնգրեսը լիազորել է կառավարությանը պատժամիջոցների ցանկում ներառել այս նախագիծը, որով նախատեսվում է ռուսական գազը Բալթիկ ծովով հասցնել Գերմանիա՝ շրջանցելով Ուկրաինան:

Նովակը չի ասել, թե պատժամիջոցների մասով կողմերը կոնկրետ ինչ են խոսել, սակայն նշել է, որ պայմանավորվել են շարունակել քննարկումները այս հարցի շուրջ:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)