Բելառուսում մի շարք պաշտոնյաներ են ձերբակալվել խոշոր կաշառքներ ստանալու համար
Բելառուսում մի շարք պաշտոնյաներ են ձերբակալվել խոշոր կաշառքներ ստանալու համար: Այդ մասին հայտարարել է երկրի պետանվտանգության կոմիտեի ղեկավար Վալերի Վակուլչիկը, հաղորդում է «ՌԻԱ Նովոստի»-ն:
«Խոսքը մի պաշտոնատար անձի, փաստի, քրեական գործի մասին չէ»,- ընդգծել է նա:
Խոսելով ձերբակալվածների մասին՝ Վակուլչիկը հաստատել է, որ նրանք բարձրաստիճան պաշտոնյաներ են:
«Բայց այստեղ կարևոր է գուցե ոչ թե մակարդակը, այլ մասշտաբները… Մեծ կաշառքներ են»,- հավելել է Պետանվտանգության կոմիտեի ղեկավարը:
Նա չի նշել ձերբակալվածների անունները և պաշտոնները՝ խոստանալով ավելի ուշ տրամադրել ամբողջ տեղեկատվությունը:
«Փաստացիորեն, մենք այսօրվա դրությամբ ունենք բազմաթիվ փաստեր, որոնք տասնյակ հազարավոր դոլարներ են կազմում»,- ասել է նա:
Ավելի վաղ հաղորդվել է, որ Բելառուսի նախագահի նախկին օգնական, Գրոդնոյի մարզի հարցերով տեսուչ Սերգեյ Ռովնեյկոն, որը ձերբակալվել էր կաշառք ստանալու պահին, կալանավորվել է:
Նրա դեմ հարուցվել է քրեական գործ՝ հոդվածով, որը նախատեսում է մինչև 15 տարվա ազատազրկում:
Ռովնեյկոն ձերբակալվել է հանցանքի վայրում 200 հազար դոլար կաշառք ստանալու ժամանակ: Պաշտոնյան կասկածվում է դրամաշորթության և բիզնեսի ու «իր լիազորությունների մեջ մտնող հարցերի լուծման համար» տարբեր կոմերցիոն կառույցներից կաշառք ստանալու համար:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
ՇՎՏՄ-ն հորդորում է նշված լցակայանների ցանցից չօգտվել