Իմ առաջիկա նպատակը «Բենֆիկային» Չեմպիոնների լիգա դուրս բերելն է
Լիսաբոնի «Բենֆիկայի» գլխավոր մարզիչ Ժոզե Մոուրինյուն մեկնաբանել է Մադրիդի «Ռեալի» կողմից իր ծառայություններով հետաքրքրված լինելու և իսպանական ակումբ հնարավոր վերադարձի մասին լուրերը:
Ավելի վաղ հեղինակավոր The Athletic պարբերականը հաղորդել էր, որ մադրիդյան ակումբի նախագահ Ֆլորենտինո Պերեսը դիտարկում է պորտուգալացի մասնագետի թեկնածությունը՝ Ալվարո Արբելոային գլխավոր մարզչի պաշտոնում փոխարինելու համար: Վերջին շաբաթներին մամուլում ակտիվորեն գրվում է, որ Մոուրինյոն պատրաստ է վերադառնալ «արքայական» ակումբ:
Սակայն «Յուրահատուկը» խորամանկորեն շրջանցել է այս խոսակցությունները՝ հրաժարվելով բորբոքել շրջանառվող ասեկոսեները: «Իմ առաջիկա նպատակը «Բենֆիկային» Չեմպիոնների լիգա դուրս բերելն է։ Եթե հաղթենք հաջորդ երեք խաղերում, ապա հանդես կգանք գլխավոր եվրոպական մրցաշարում։ Սա միակ բանն է, ինչի մասին ես այժմ մտածում եմ»,- Մոուրինյուի խոսքերն է մեջբերում Goal-ը։
Նշենք, որ այս պահին «Բենֆիկան», որի ղեկը Մոուրինյուն ստանձնել է նախորդ տարվա սեպտեմբերին, Պորտուգալիայի առաջնությունում անցկացրած 31 հանդիպումից հետո զբաղեցնում է մրցաշարային աղյուսակի երկրորդ հորիզոնականը: Առաջնության ավարտին մնացել է ընդամենը երեք տուր, և լիսաբոնյան թիմն առաջատար «Պորտուից» հետ է մնում 7 միավորով։
Հիշեցնենք, որ պորտուգալացի մասնագետը արդեն ունի Մադրիդի «Ռեալը» մարզելու փորձ. նա ակումբը գլխավորել է երեք մրցաշրջան՝ 2010-ից 2013 թվականներին՝ թիմի հետ նվաճելով Իսպանիայի չեմպիոնի տիտղոսը, ինչպես նաև դառնալով երկրի գավաթի և Սուպերգավաթի հաղթող:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Պատմական հանդիպում՝ Սպիտակ տան Օվալաձև գրասենյակում․ հայ հոգևոր առաջնորդներն ու ԱՄՆ-ում ՀՀ դեսպանը ա...
Ծաղկունքում հարյուրավոր գլուխ ոչխարներ են անկել
Երբ փորձում էինք փնտրել ուրիշ տեղ, զենքի մատակարարման շուկաները փակ էին մեզ համար
ՆԳՆ ոստիկանության գվարդիայի ծառայողները կանխել են հետագա զարգացումները
Արհեստական բանականության միջազգային օլիմպիադայում հաջողությամբ հանդես եկած հայ դպրոցականները ներկայա...
Նիագարան կլուսավորվի Հայաստանի Հանրապետության դրոշի գույներով, Օտտավայի քաղաքապետարանի առջև կծածանվի...
Սիրո անունը Հայաստան է
Մեկնարկում է բռնցքամարտի Եվրոպայի առաջնությունը․ Հայաստանն այսօր ունի 4 ներկայացուցիչ
«Արարատ-Արմենիան» 1։4 հաշվով պարտվեց Պրահայի «Սպարտային»