Մարզադաշտում նրանց սեփական ուժերի նկատմամբ հավատը տպավորիչ է
Լոնդոնի «Արսենալի» գլխավոր մարզիչ Միկել Արտետան կիսվել է Չեմպիոնների լիգայի կիսաեզրափակիչում Մադրիդի «Ատլետիկոյի» դեմ սպասվող դիմակայության վերաբերյալ իր ակնկալիքներով:
«Ատլետիկոն» չափազանց ուժեղ է թե՛ հարձակման գծում, թե՛ պաշտպանությունում. հակառակ դեպքում նրանք պարզապես չէին հայտնվի կիսաեզրափակիչում։ Մարզադաշտում նրանց ստեղծած էներգիան, ինչպես նաև սեփական ուժերի նկատմամբ հավատը տպավորիչ են: Բայց մենք պատրաստ ենք դրան:
Կարծում եմ՝ անցած 15 տարիների ընթացքում Դիեգո Սիմեոնեն հսկայական աշխատանք է կատարել՝ ամբողջությամբ կերպարանափոխելով ակումբը: Ես միշտ հիացել եմ նման մարդկանցով։ Սիմեոնեի կապն «Ատլետիկոյի» հետ շատ ամուր է։ Նա իսկական օրինակ է բոլորիս համար:
Մեզ համար մեծ պատիվ է երկրորդ տարին անընդմեջ լինել այստեղ՝ Չեմպիոնների լիգայի լավագույն քառյակում: Սա հիանալի հնարավորություն է, և մենք մտադիր ենք այն լիարժեք օգտագործել: Միջազգային հանդիպումների ժամանակ, ցանկացած մարզադաշտում մենք արդեն ապացուցել ենք, թե ինչի ենք ընդունակ։ Պետք է խաղանք հենց այդ վստահությամբ և հաղթելու մեծագույն ցանկությամբ»,- Արտետայի խոսքերն է մեջբերում ՈւԵՖԱ-ի պաշտոնական կայքը: Թիմերի միջև պատասխան հանդիպումը կկայանա մայիսի 5-ին՝ Լոնդոնի «Էմիրեյթս» մարզադաշտում:
Չեմպիոնների լիգայի քառորդ եզրափակիչում մադրիդյան ակումբը երկու խաղերի արդյունքում 3:2 հաշվով ծանրագույն պայքարում առավելության էր հասել կատալոնական «Բարսելոնայի» նկատմամբ, իսկ «զինագործները» նույն փուլում երկու խաղերի գումարային 1:0 հաշվով պայքարից դուրս էին թողել Լիսաբոնի «Սպորտինգին»:
Իրազեկում․ ապրիլի 23-ին և 24-ին մի շարք փողոցներում կսահմանափակվի երթևեկությունը
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
16 տարին լրացած անձանց համար նույնականացման քարտ ունենալը կդառնա պարտադիր
Չհայտարարված այցով Կիև է ժամանել արքայազն Հարին
Պաշտպանության ոլորտում ստորագրվել են Հայաստան-Կիպրոս երկկողմ և Հայաստան-Հունաստան-Կիպրոս եռակողմ համ...
Մաշտոցի համայնքային ոստիկանները հայտնաբերել են ավտոբուսի վարորդին դանակահարած անձին
Դիլիջանի լիմոնադի արտադրամասում հայտնաբերվել են լուրջ սանիտարական խախտումներ, գործունեությունը կասեց...
Հունիսի 7-ը Մեր 2-րդ Անկախության Հանրաքվեն Է
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
ՀՀ ՇՄ նախարարը Փարիզում մասնակցում է «Մեծ յոթնյակի» երկրների շրջակա միջավայրի նախարարների հանդիպմանը