Տոտենհեմի ժամանակավոր մարզիչ կարող է նշանակվել թիմի գործող ֆուտբոլիստը

The Telegraph պարբերականի հաղորդմամբ՝ լոնդոնյան «Տոտենհեմի» ժամանակավոր գլխավոր մարզչի պաշտոնը կարող է ստանձնել թիմի գործող ֆուտբոլիստ Բեն Դևիսը։

Քանի որ «Տոտենհեմի» պաշտպանը կոճի վնասվածքի պատճառով դաշտ դուրս չի եկել հունվարից, Անգլիայի Պրեմիեր լիգայի ակումբի ղեկավարությունը լրջորեն դիտարկում է 32-ամյա ֆուտբոլիստի թեկնածությունը՝ որպես գլխավոր մարզչի պաշտոնակատար մինչև մրցաշրջանի ավարտը: Նշվում է, որ Դևիսը թիմում մեծ հարգանք վայելող ֆուտբոլիստներից մեկն է և ներկայումս մարզչական կրթություն է ստանում:

«Տոտենհեմը» պաշտոնապես հայտարարել է Իգոր Տուդորին գլխավոր մարզչի պաշտոնից հեռացնելու մասին: Նրա գլխավորությամբ անցկացրած 7 հանդիպումներում թիմը 5 պարտություն է կրել: Այս պահի դրությամբ «Տոտենհեմը» 30 միավորով զբաղեցնում է ԱՊԼ-ի մրցաշարային աղյուսակի 17-րդ հորիզոնականը՝ ընդամենը 1 միավորով առաջ լինելով դուրսմղման գոտուց:

armsport.am