Մեսսիի առաջին այցը Սպիտակ տուն. Դոնալդ Թրամփն ընդունել է Ինտեր Մայամիին

«Ինտեր Մայամի» ֆուտբոլային ակումբը հյուրընկալվել է Սպիտակ տանը՝ ԱՄՆ նախագահ Դոնալդ Թրամփի կողմից կազմակերպված հանդիսավոր ընդունելությանը։ Միջոցառումը նվիրված էր MLS-ի գավաթի խաղարկությունում թիմի նվաճած տիտղոսին։

Ֆլորիդյան ակումբը, որը լիգային միացել է 2020 թվականին, իր պատմության մեջ առաջին չեմպիոնությունը նվաճեց նախորդ տարվա նոյեմբերին՝ եզրափակչում առավելության հասնելով «Վանկուվերի» նկատմամբ:

Միջոցառմանը ներկա էր նաև թիմի ավագ և հարձակվող Լիոնել Մեսսին։ Արգենտինացին Սպիտակ տան ընդունելությունների սրահ է մտել անձամբ Թրամփի ուղեկցությամբ, որտեղ նրանց արդեն սպասում էր թիմի մնացած մասը։ Սա Մեսսիի առաջին այցն էր Սպիտակ տուն (հիշեցնենք, որ 2025-ի հունվարին նա չէր կարողացել ներկա գտնվել նախկին նախագահ Ջո Բայդենի կողմից նախագահական մեդալի հանձնման արարողությանը)։

Հանդիպման ընթացքում Թրամփը զուգահեռներ է անցկացրել 38-ամյա արգենտինացու և բրազիլացի լեգենդար հարձակվող Պելեի միջև։ «ԱՄՆ-ում Մեսսին իրեն դրսևորեց որպես իսկական չեմպիոն՝ նվաճելով MLS-ի տիտղոսը։ Շատերն ասում են, որ Պելեն շատ հզոր ֆուտբոլիստ էր։ Ո՞վ է ավելի լավը՝ Մեսսի՞ն, թե՞ Պելեն։ Ես իմ ձայնը տալիս եմ Լիոնելին»,- ԱՄՆ նախագահի խոսքերն են մեջբերվում Սպիտակ տան սոցիալական ցանցերի պաշտոնական էջերում։

Հատկանշական է, որ ֆուտբոլիստների մեծարման ժամանակ, երբ Մեսսին կանգնած էր նախագահի կողքին, Դոնալդ Թրամփն իր ելույթում անդրադարձել է նաև Մերձավոր Արևելքում տիրող իրավիճակին։ «ԱՄՆ զինված ուժերը իսրայելցի հիանալի գործընկերների հետ համատեղ շարունակում են ամբողջությամբ ոչնչացնել հակառակորդին աննախադեպ մակարդակով։ Մենք ոչնչացնում ենք իրանական հրթիռները»,- Թրամփի խոսքերն է մեջբերում The Touchline-ը՝ X սոցիալական ցանցում։

Մեսսիի առաջին այցը Սպիտակ տուն. Դոնալդ Թրամփն ընդունել է Ինտեր Մայամիին

Վերջին 7 օրվաԹոփ լուրեր Թոփ 10ամենաընթերցվածէջերը

Վերջին 7 օրվա
Թոփ լուրեր Թոփ 10
ամենաընթերցված
էջերը