Բրիտանիան կհրապարակի նախկին արքայազն Էնդրյուի՝ որպես առևտրային ներկայացուցիչ նշանակվելու հետ կապված գաղտնի փաստաթղթերը
Բրիտանական կառավարությունը կհրապարակի նախկին արքայազն Էնդրյուի՝ որպես առևտրային ներկայացուցիչ նշանակվելու հետ կապված գաղտնի փաստաթղթերը։ Դա տեղի է ունեցել խորհրդարանական բուռն բանավեճերից հետո, որոնց ընթացքում օրենսդիրները կոչ են արել թագավորական ընտանիքին առավել մեծ պատասխանատվություն կրել և հայտարարել են, որ թագավորի եղբայրը Ջեֆրի Էպշտեյնի հետ ընկերությունը վեր է դասել երկրի առջև իր պարտքից, հայտնում է Associated Press-ը։
Երեքշաբթի օրենսդիրները հավանություն են տվել փաստաթղթերի հրապարակման պահանջով միջնորդությանը այն բանից հետո, երբ նախկին արքայազնն ու Յորքի դուքսն, ով այժմ հայտնի է պարզապես որպես Էնդրյու Վինձոր-Մաունթբեթեն, ձերբակալվել է այն մեղադրանքով, թե առևտրային ներկայացուցիչ եղած ժամանակ կառավարական հաշվետվություններ է փոխանցել Էպշտեյնին։
Նա Մաունթբեթեն-Վինձորին նկարագրել է որպես մի մարդու, ով մշտապես «ձգտում է ինքնահարստացման՝ կոպիտ, գոռոզ և տիտղոսակիր մի անձնավորություն, ով չէր կարողանում տարբերել հանրային շահերը և ծառայում էր իր սեփական շահերին»:
Թեև կառավարությունը համաձայնել է հրապարակել այդ նյութերը, Բրայանտն ասել է, որ որոշ փաստաթղթերի հրապարակումը կարող է հետաձգվել, մինչև ոստիկանությունը չավարտի իր հետաքննությունը:
Այս քայլն արվել է այն բանից հետո, երբ ԱՄՆ արդարադատության նախարարությունը հրապարակել է Էպշտեյնի հետ կապված միլիոնավոր էջերից բաղկացած փաստաթղթեր, որոնցում պատմվում է, թե ինչպես է հարուստ ֆինանսիստը օգտագործել հարուստ և ազդեցիկ ընկերների միջազգային ցանցը՝ ազդեցություն ձեռք բերելու և երիտասարդ կանանց սեռական շահագործման ենթարկելու համար:
Ոչ մի տեղ դրա հետևանքներն այնքան սուր չեն զգացվել, որքան Միացյալ Թագավորությունում, որտեղ սկանդալը հարցեր է բարձրացրել այն մասին, թե ինչպես են արիստոկրատիան, բարձրաստիճան քաղաքական գործիչներն ու ազդեցիկ գործարարները տնօրինում իշխանությունը: Մաունթբեթեն-Վինձորը ձերբակալվել է հինգշաբթի օրը՝ իր եղբոր՝ Չարլզ III թագավորի մասնավոր կալվածքում գտնվող իր տանը:
Նույն օրը նա ազատ է արձակվել՝ մինչև հետագա քննության ավարտը: Այնուհետև, երկուշաբթի օրը, ոստիկանությունը ձերբակալել է կառավարության նախկին նախարար Փիթեր Մանդելսոնին, ով հետագայում դարձել է ԱՄՆ-ում դեսպան՝ պետական ծառայության մեջ ոչ պատշաճ վարքագծի կասկածանքով, որը կապված է եղել այն պնդումների հետ, թե նա նույնպես գաղտնի տեղեկություններ է փոխանցել Էպշտեյնին:
Մանդելսոնն ազատ է արձակվել երեքշաբթի վաղ առավոտյան: Այս հետաքննությունը նույնպես շարունակվում է:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար